فېۋرال، سىياھ تاپساڭ ئۆكسۈسەڭ (شېئىر)
پاستېرناك
1
فېۋرال، سىياھ تاپساڭ ئۆكسۈسەڭ...
يازساڭ يىغلاپ فېۋرال كۈيىنى.
دەسسەپ يۈرسەڭ تاكى پاتقاقلار
كۆرسەتكىچە باھار ھۆسنىنى.
شاۋقۇنلاردىن يىراققا كەتسەڭ.
سىياھدىنمۇ، كۆز ياشلاردىنمۇ،
يامغۇرى مول جايلارغا يەتسەڭ.
توڭ قاغىلار ھەددى – ھىسابسىز.
ئۇلار چۈشسە شاختىن كۆلچەككە،
مۇڭ قۇيۇلار كۆزۈمگە چەكسىز.
شاماللاردا دەۋرەيدۇ چۇقان.
يىغلىغاندا پۈتۈلگەن قۇرلار
يۈرىكىڭدىن چىقىدۇ ھامان.
مەشھۇر بولۇش ئەدەبتىن ئەمەس،
يۈكسەكلىككە كۆتەرمەيدۇ ئۇ.
بار بىساتنى جەملەپ لىق، پەۋەس
ساقلىماق ھەم شەرت ئەمەس مەڭگۈ.
نە سەلتەنەت، نە ئەمەس چۇقان !
ھېچنەرسىگە ئەرزىمەي بىراق،
ئەل ئاغزىغا چىقماقلىق يامان.
ئۆتۈش كېرەك ئاشۇنداق پەقەت.
سۆيگۈنىڭ ئەرشىنى ياراتسۇن يۈرەك،
كېلىچەكنى سەزسۇن پاراسەت.
ھاشىيەگە يازار ئەلۋەتتە.
قالدۇرماقلىق كېرەك پاكىز جاي،
قەغەز ئەمەس بەلكى قىسمەتتە.
راۋان بولغىن تەنھا ماكانغا.
گويا تىلسىم زىم-زىيا مەنزىل،
چۆمكەلگەندەك قارا بۇلۇتقا.
بىر كۈن بېسىپ ئۆتەر ئىكەن، بەس.
يېڭىش نىمە، يېڭىلىش نىمە،
پەرق قىلىش ساڭا شەرت ئەمەس.
چىرايىڭغا قونمىسۇن ھەسرەت.
ھامان خوشال ياشىماق كېرەك،
جۇشقۇن روھتا ئەبىدىلئەبەت !
Yorumlar
Yorum Gönder