كار قىلماس ماڭا ھېچ بورانلىق يامغۇر (شېئىر)
بۇنىن
كار قىلماس ماڭا ھېچ بورانلىق يامغۇر،
ئەي باھار گۈلدۈرى، ياڭرىغىن خۇشال!
يامغۇردىن كېيىنكى زۇمرەتتەك ھاۋا
دىللارنى ئۆزگىچە قىلسۇن جەلب، لال.
باغلاردا گۈل–گىياھ يۇيۇنۇپ پاكىز،
ئۆزگىچە رۇخساردا كۆرسەتسۇن جامال؛
ئېچىلىپ بەس–بەستە، چېچىپ خۇش پۇراق،
تاپسۇن ھەم ئۇزلۇقتا بۆلەكچە كامال!
تۇتۇلغان ھاۋادىن قورقىمەن بىراق،
ئۇنىڭدا مەنىسىز تۇيۇلار ھايات،
كۈنبويى ئازابسىز، بەختسىز بىر خىل
ئۆتىدۇ بىھۇدە تۇيدۇرمايلا پات.
بولمىسا ئىجتىھات، مېھنەت، جەڭ–چېلىش
ھاياتلىق قۇدرىتى ئەيلىنەر بەربات،
مىسالى قاتمۇ-قات تۇمانلار ئارا
زەر قۇياش بولغاندەك مەڭگۈ تىلسىمات!
جاسارەت تاش تەرجىمىسى
Yorumlar
Yorum Gönder