رۇبائىيلار (ئابلىمىت ھاجى)
1
بۇ دۇنيا بىز ئۈچۈن بىر قونالغۇ دەڭ،
شۇ دەڭگە تۆت كۈنلۈك مېھمانسەن ئۆزەڭ.
ئۆمرۈڭنى قەدىرلە، ۋاقتىڭنى ئۇچلا،
بىر نىشان قالدۇرغىن ئۆلمەيمەن دېسەڭ.
2
نادان ئۆلۈپ ناھايەت يەتتىسى ئۆتتى،
كۈندۈزدىكى چۈشتەكلا ئۇنتۇلۇپ كەتتى.
ئالىم ئۆلۈپ نەچچىلەپ ئەسىرلەر ئۆتتى،
بارغانسېرى شۆھرىتى پەلەككە يەتتى.
3
ھەسەتخور ھەمىشە راھەتتىن يىراق،
راھەتسىز كەسىپتىن كېچەلمەس بىراق.
بولمايدۇ بىر مىنۇت ئاراملىق ئاڭا،
بۇنداق ياشىغاندىن ئۆلگەن ياخشىراق.
Yorumlar
Yorum Gönder