نوبېل مۇكاپاتى (شېئىر)
پاستېرناك
پۈتتى كۈنۈم، ئېزىقىپ قالغان
يىرتقۇچ كەبى سالىمەن چۇقان.
ئۇرە - ئۇر دەپ تىنماي ھەر ياندىن،
مېنى ئوراپ كېلەر ئالامان.
بىر تەرەپ كۆل، بىر تەرەپ بولسا
قارىغايلار يىقىلغان ئورمان.
ھايات يولۇم قالمىدى ئەسلا
ئەمدى نەئامال، بارىمەن قايان؟
نە يامانلىق قىلدىم، نە خاتا،
قانداق رەزىل ئىش قىلدىم دېگىن.
يا دۇنيانى يىغلاتتىممۇ مەن
ئانا يەرنىڭ نەپاستىدىن.
ئەمما تاۋۇت يېنىدا ھەتتا،
ئىشىنىمەن شۇنداق پەيت كېلەر.
زاۋال تاپماس ئىزگۈ روھ ئەسلا،
قەبىھ كۈچلەر جەزمەن يېڭىلەر.
ئوسمانجان ساۋۇت تەرجىمىسى
Yorumlar
Yorum Gönder