گۈزەل كۈنلەر (شېئىر)

 ئايتۇغ

شېخىدىن ئۈزۈلگەن يوپۇرماق كەبى،

قۇچىقىڭغا سىڭگەن ئىدىم مەن.

تالاي-تالاي شىرىن كۈيۈڭگە،

ئاھ، خۇمارمەن، كۆنگەن ئىدىممەن.

پاك، غۇبارسىز، تىنچ قەلبىمگە،

ئۆزۈڭ بۈسۈپ كىرگەن ئىدىڭ سەن.

شىرىن-شىرىن كۆرگەن چۈش كەبى،

تاتلىق ھىسلار بەرگەن ئىدىڭ سەن.

دىلدا مەڭگۈ تاتلىق ئەسلىمە،

ئۇنتۇمايمەن، ئۇنتۇمايسەن ھەم.

سېنىڭ بىلەن ھايات بېغىدا،

مەڭگۈ خۇشال ئۆتكۈم بار ئەركەم.

2013.6.4