ئېگىزگە چىققاندا (شېئىر)

دۇفۇ

قىلار نالە، كۆرۈڭ، مايمۇن شامال سوققاچ بۇ كۈز ئەدەپ،

سۈزۈلدى سۇ، ئاقاردى قۇم، بېلىقچى قۇش ئۇچار لەپ-لەپ.

پايانى يوق دەرەخزاردىن تۆكۈلدى بارچە ياپراقلار،

تىنىمسىز شۇ ئەزىم چاڭجياڭ ئاقار ھەيۋەتتە ئۆركەشلەپ.

بۇ غەمكىن كۈز ئارا كەلدىم مۇساپىر بوپ يىراقلاردىن،

تېنىم بىمار، ئۆزۈم تەنھا، كېلەرمەن تىك-ئېگىز ئۆرلەپ.

مۇشەققەت دەستىدىن كەتتى چېكەمنى قار-قىرو قاپلاپ،

ئىسىت، قالدىم شارابتىنمۇ، يۈرەي ئەمدى قايان تېنەپ؟

ئابدۇكېرىم خوجا تەرجىمىسى