ئىككى ھەرەم خاتىرىسى (1)

ئىككى ھەرەم خاتىرىسى (1)

ئەنۋەر ھاجى مۇھەممەد (ئەرتۈرك)

 

2006-ﻳﯩﻞ 11-ﺋﺎﻳﻨﯩﯔ 21-ﻛﯜﻧﻰ ﻛﻪﭼﺘﻪ ﺋﯚﻳﺪﯨﻦ، ﺧﻮﺗﯘﻧﯘﻣﺪﯨﻦ، ﺋﯩﺸﺨﺎﻧﯩﺪﯨﻦ ﺋﺎﻳﺮﯨﻠﯩﭗ 5 ﺳﺎﺋﻪﺕ ﯞﺍﻗﯩﺖ ﭘﻪﺭﻗﻰ ﺑﻮﻟﻐﺎﻥ ﺟﺎﻳﻐﺎ ﺋﯘﭼﺘﯘﻡ، ﻛﯧﭽﻪ ﻗﺎﺭﺍﯕﻐﯘﻟﯘﻗﻰ ﺋﯩﻠﻜﯩﺪﻩ ﺟﯧﻨﯩﻢ، ﺗﯧﻨﯩﻢ ﻣﯘﻗﻪﺩﺩﻩﺱ ﺟﺎﻳﻐﺎ ﻛﯧﺘﯩﯟﺍﺗﻘﺎﻧﺪﺍ ﻛﺎﻟﻼﻡ ﻳﯧﻨﯩﻤﺪﯨﻜﻰ ﺑﺎﺷﻠﯩﻖ ﺋﻪﭘﻪﻧﺪﯨﻨﯩﯔ ﻣﯘﺩﺍﺧﯩﻠﯩﺴﯩﺪﯨﻦ ﻗﯘﺗﯘﻻﻟﻤﯩﺪﻯ، ﺋﯩﺪﯨﻴﻪ ﻛﻪﻟﺘﯜﺭﯛﭖ ﭼﯩﻘﺎﺭﻏﺎﻥ ﻛﻪﻳﭙﯩﻴﺎﺕ ﮬﻪﻣﻤﯩﻨﻰ ﺑﻪﻟﮕﯩﻠﻪﭖ ﻛﯧﺘﻪﻟﻤﯩﺴﯩﻤﯘ، ﻳﯜﺭﻩﻛﻨﻰ ﻗﺎﻧﺪﺍﻗﺘﯘﺭ ﺑﯩﺮ ﭼﻪﻛﻠﯩﻤﻪ  ﺋﯚﺯ ﭼﺎﯕﮕﯩﻠﯩﺪﺍ ﺋﺎﻧﺪﺍ-ﺳﺎﻧﺪﺍ ﺳﯩﻘﯩﭗ ﻗﻮﻳﯩﺪﯗ. ﺋﯚﺯﻩﻣﻨﻰ ﺋﯚﺯﻩﻡ ﺳﯩﻘﯩﻤﻪﻥ، ﺳﯩﻘﯩﭗ-ﺳﯩﻘﯩﭗ ﻗﻮﻳﯘﭖ ﺑﯧﺮﯨﻤﻪﻥ. ﺧﯘﺩﺩﻯ ﺑﯧﺴﯩﻢ، ﺳﯩﻘﯩﻠﯩﺶ ﺑﻮﻟﻤﯩﺴﺎ ﺋﻪﺭﻛﯩﻨﻠﯩﻜﯩﻢ، ﺷﺎﺩﻟﯩﻘﯩﻢ، ﻳﻪﯕﮕﯩﻠﻠﯩﻜﯩﻢ ﺑﯩﻠﯩﻨﻤﻪﻳﺪﯨﻐﺎﻧﺪﻩﻙ. ﺷﯘ ﺑﻮﻏﯘﻕ ﻛﻪﻳﭙﯩﻴﺎﺗﻨﯩﯔ ﺋﺎﺳﺎﺭﯨﺘﯩﺪﯨﻦ ﻗﯘﺗﯘﻻﻟﻤﺎﻳﻤﻪﻥ. ﻗﻪﻟﺒﺘﯩﻜﻰ ﺋﺎﺳﺎﺭﻩﺕ ﺑﯩﺮ ﺧﯩﻞ ﻛﯧﺴﻪﻟﻠﯩﻚ. ﺑﯘ ﻛﯧﺴﻪﻟﻠﯩﻜﻨﻰ ﻛﯜﭼﻠﯜﻙ ﺋﯩﻤﺎﻥ ﺑﻮﻟﻤﯩﺴﺎ ﺩﺍﯞﺍﻟﯩﻐﯩﻠﻰ ﺑﻮﻟﻤﺎﻳﺪﯗ. ﺑﺎﺷﻠﯩﻖ ﺧﯘﺷﺎﻝ ﺑﻮﻟﺴﺎ ﻣﻪﻧﻤﯘ ﺧﯘﺷﺎﻝ، ﺑﺎﺷﻠﯩﻘﻨﯩﯔ ﻗﺎﭘﯩﻘﻰ ﺗﯜﺭﯛﻟﺴﻪ ﻣﻪﻥ ﺩﻩﺭﮔﯘﻣﺎﻥ. ﻗﯘﻟﭽﯩﻠﯩﻖ ﻣﯩﺠﻪﺯﯨﻨﻰ ﺳﯩﯖﺪﯛﺭﯛﯞﻩﺗﻜﻪﻥ ﺟﻪﻣﺌﯩﻴﻪﺕ ﻧﻪﻗﻪﺩﻩﺭ ﺭﻩﺯﯨﻞ، ﺑﯘ ﺭﻩﺯﯨﻠﻠﯩﻜﻨﻰ ﺋﯜﻥ-ﺗﯩﻨﺴﯩﺰ ﻗﻮﺑﯘﻝ ﻗﯩﻠﻐﺎﻥ ﺑﯘ ﺑﯩﺘﺎﻳﯩﻦ ﻗﻪﻟﺐ ﻧﯧﻤﯩﺪﯦﮕﻪﻥ ﭘﻪﺱ! ﺋﺎﯞﺍﺯﺳﯩﺰ ﺳﯜﺭﻩﺗﺘﻪ ﺑﯩﺮ ﻧﺎﺗﻮﻧﯘﺵ ﺩﯗﻧﻴﺎ، ﺋﯩﻤﺎﺭﻩﺕ(ﺋﻪﺭﻩﺏ ﺑﯩﺮﻟﻪﺷﻤﻪ ﺧﻪﻟﯩﭙﯩﻠﯩﻜﻰ) ﻧﯩﯔ ﮬﻪﻳﯟﯨﺘﻰ ﻛﯜﺗﻜﯜﭼﻰ ﻗﯩﺰﻻﺭﻏﯩﭽﻪ ﺋﻪﻛﺲ ﺋﯧﺘﯩﭗ ﺗﯘﺭﯗﭘﺘﯘ. ﺋﻪﺭﻩﺏ ﺑﻪﮔﻠﻪﺭ ﺑﯩﺮﻟﯩﺸﯩﭗ ﺑﺎﺷﻘﯘﺭﯗﯞﺍﺗﻘﺎﻥ ﺑﯘ ﺩﯙﻟﻪﺗﻨﯩﯔ ﺗﻪﺭﻩﻗﻘﯩﻴﺎﺗﻰ ﺋﻪﺭﻩﺏ ﺋﯩﺘﺘﯩﭙﺎﻗﻠﯩﻨﯩﯔ ﺑﯜﻳﯜﻙ ﻧﺎﻣﺎﻳﻪﻧﺪﯨﺴﻰ ﺑﻮﻟﯘﭖ ﻛﯚﺭﯛﻧﺪﻯ. ﺋﺎﻳﻠﯩﻨﯩﭗ ﺋﯘﭼﯘﭖ ﻳﻪﺭﮔﻪ ﭼﯜﺷﻜﻪﻥ ﺋﺎﻳﺮﻭﭘﯩﻼﻧﺪﯨﻦ ﺋﺎﻳﺮﯨﻠﯩﭗ ﺑﯘ ﺯﯦﻤﯩﻨﻐﺎ، ﺗﻪﺭﻩﻗﻘﯩﻲ ﺗﺎﭘﻘﺎﻥ ﻣﻪﻧﺰﯨﻠﮕﻪ، ﻛﻪﯕﺘﺎﺷﺎ ﺋﺎﻳﺮﻭﭘﻮﺭﺕ ﻛﯜﺗﯜﺵ ﺯﺍﻟﯩﻐﺎ ﻗﻪﺩﻩﻡ ﺑﺎﺳﻘﯩﻨﯩﻤﺪﺍ ﺋﯧﺴﯩﻞ ﻛﯧﻴﯩﻨﮕﻪﻥ ﺧﯩﻠﻤﯘ ﺧﯩﻞ ﺋﺎﺩﻩﻣﻠﻪﺭ-ﺋﺎﻕ ﺗﻪﻧﻠﯩﻚ، ﻗﺎﺭﺍ ﺗﻪﻧﻠﯩﻜﻠﻪﺭ ﻛﯚﺭﯛﭖ ﺑﺎﻗﻤﯩﻐﺎﻥ ﺑﯩﺮ ﺷﺎﮬﻤﺎﺕ ﺗﺎﺧﺘﯩﺴﯩﺪﯨﻜﻰ ﺷﺎﮬ، ﮔﻪﺭﺩﻩ، ﺗﻮﭖ، ﭘﯧﭽﻜﯩﻼﺭﺩﻩﻙ، ﺑﯧﺴﯩﻢ ﺩﻩﺳﺘﯩﺪﯨﻦ ﮬﻪﻣﻤﻪ ﺑﯩﺮ ﻧﯩﻴﻪﺗﺘﻪ، ﺑﯘ ﻧﯩﻴﻪﺕ ﺋﯩﭽﯩﺪﻩ ﻳﻪﻧﻪ ﮬﻪﺭ ﺧﯩﻞ ﻧﯩﻴﻪﺗﺘﻪ ﺋﺎﻟﻐﺎ ﻳﯜﺭﯛﺵ ﻗﯩﻠﯩﯟﺍﺗﻘﺎﻥ ﺋﻪﺳﻜﻪﺭﻟﻪﺭﺩﻩﻙ ﻛﯚﺭﯛﻧﯜﭖ ﻛﻪﺗﺘﻰ. ﺑﺎﻟﯩﻠﯩﺮﻯ ﺋﯘﻻﺭﻧﯩﯔ ﺋﯩﺰﯨﻨﻰ ﺑﯧﺴﯩﭗ، ﻛﯚﺯﻟﯩﺮﯨﻨﻰ ﻣﯚﻟﺪﯛﺭﻟﯩﺘﯩﭗ ﻛﻪﻟﻤﻪﻛﺘﻪ ﺋﯩﺪﻯ. ﺋﯘﻳﻘﯘﺳﯩﺰﻟﯩﻖ، ﺋﺎﭼﻠﯩﻖ ﺑﯩﺰﻧﻰ ﺑﯚﺭﻩ ﻗﯩﻠﯩﯟﻩﺗﺘﻰ. ﺋﻪﺭﻛﯩﻨﻠﯩﻜﻜﻪ ﺋﯩﻨﺘﯩﻠﯩﺸﻠﯩﺮﯨﻤﯩﺰ، ﺟﺎﮬﺎﻥ ﻛﯚﺭﯛﺵ ﺋﯩﺴﺘﻪﻛﻠﯩﺮﯨﻤﯩﺰ ﺗﯜﭘﻪﻳﻠﻰ ﺗﺎﺭ ﻗﻪﭘﻪﺯﺩﻩﻙ ﻛﯚﺭﯛﻧﮕﻪﻥ ﺑﯘ ﺋﺎﻳﺮﻭﭘﻮﺭﺕ ﮬﻪﺭ ﮬﺎﻟﺪﺍ ﺑﯩﺰﮔﻪ ﺑﯩﺮ ﺩﻩﻡ ﺑﻮﻟﺴﯩﻤﯘ ﺋﺎﻳﻠﯩﻨﯩﺶ، ﻣﻪﺳﭽﯩﺘﺘﻪ ﺗﺎﮬﺎﺭﻩﺕ ﺑﯩﻠﻪﻥ ﻧﺎﻣﺎﺯ ﺋﻮﻗﯘﺵ، ﮬﻪﺗﺘﺎ ﻳﯘﻳﯘﻧﯘﭖ ﺋﯧﮭﺮﺍﻡ ﺑﺎﻏﻼﺵ ﺋﯩﻤﻜﺎﻧﯩﻴﯩﺘﯩﻨﻰ ﺑﻪﺧﺶ ﺋﻪﺗﺘﻰ. ﺋﺎﻳﺮﻭﭘﯩﻼﻥ ﺋﺎﻟﻤﯩﺸﯩﺶ ﺋﺎﺭﯨﻠﯩﻘﯩﺪﯨﻜﻰ 10 ﻧﻪﭼﭽﻪ ﺳﺎﺋﻪﺕ ﻛﯜﺗﯜﺵ ﺑﯩﺰﮔﻪ ﻛﻪﻡ ﺗﯧﭙﯩﻠﯩﺪﯨﻐﺎﻥ ﺳﻪﯞﺭ-ﺗﺎﻗﻪﺕ، ﭼﯩﺪﺍﻡ-ﻏﻪﻳﺮﻩﺗﻨﻰ ﺋﯚﮔﻪﺗﺘﻰ. 36 ﺩﻭﻟﻼﺭﻏﺎ ﻛﯧﭙﯩﺶ ﺋﺎﻟﻤﺎﻱ ﺟﯩﺪﺩﯨﮕﻪ ﻳﺎﻟﯩﯖﺎﻳﺎﻍ ﻛﻪﺗﺘﯩﻢ. ﻗﻮﻻﺷﻤﺎﻱ ﻛﻪﺗﻜﻪﻥ ﺋﯧﮭﺮﺍﻣﻠﯩﻖ ﺑﻪﺩﻩﻧﮕﻪ ﺑﺎﺷﻘﯩﭽﻪ ﮬﯘﺯﯗﺭ ﺑﻪﺧﺶ ﺋﻪﺗﺘﻰ. ﺋﯚﻟﯜﻡ، ﻛﯧﭙﻪﻧﻠﯩﻚ، ﺋﺎﺧﯩﺮﻩﺗﺘﯩﻜﻰ(ﺋﺎﻟﻼﮬ ﺧﺎﻟﯩﺴﺎ) ﻧﯘﺭﺍﻧﻪ ﺋﺎﻗﻠﯩﻖ (ﻧﯩﺠﺎﺗﻠﯩﻖ)ﻧﻰ ﺋﻪﺳﻠﯩﺘﯩﺪﯨﻐﺎﻥ ﺑﯘ ﻳﯧﭙﯩﻨﭽﺎ ﻣﻪﻛﻜﯩﮕﻪ ﺑﯧﺮﯨﭗ ﺋﯚﻣﺮﻩ ﺗﺎﯞﺍﭘﻨﻰ ﺗﯜﮔﻪﺗﻜﯩﭽﻪ ﺑﯩﺰﮔﻪ ﻣﯘﻗﻪﺩﺩﻩﺳﻠﯩﻚ، ﭘﺎﻛﻠﯩﻖ ﺗﯘﻳﻐﯘﺳﯩﻨﻰ، ﻣﯘﺳﯘﻟﻤﺎﻧﻠﯩﻖ ﺷﻪﺭﯨﭙﯩﻨﻰ، ﺋﯜﻣﯩﺪﯞﺍﺭﻟﯩﻖ ﻛﻪﻳﭙﻰ ﯞﻩ ﮔﯘﻧﺎﮬﺘﯩﻦ ﭘﺎﻛﻠﯩﻨﯩﺶ ﻳﻪﯕﮕﯩﻠﻠﯩﻜﯩﻨﻰ ﺑﻪﺧﺶ ﺋﻪﺗﺘﻰ. ﻗﯩﻤﻤﻪﺕ ﻛﻪﺵ، ﺋﯧﺴﯩﻞ ﭘﯩﻜﺎﭖ، ﺳﯜﭘﻪﺗﻠﯩﻚ ﻣﺎﻟﻼﺭ، ﺋﯩﭽﯩﻤﻠﯩﻜﻠﻪﺭ ﺗﻪﺭﻩﻗﻘﯩﻴﺎﺕ، ﺯﺍﻣﺎﻧﯩﯟﯨﻠﯩﻖ، ﺑﺎﻳﺎﺷﺎﺗﻠﯩﻖ ﮔﯩﺮﻩﻟﯩﺸﯩﭗ ﻛﻪﺗﻜﻪﻥ، ﻧﺎﮬﺎﻳﯩﺘﻰ ﺋﺎﺳﺎﻥ ﺋﯘﭼﺮﯨﺸﯩﭗ ﺑﯩﺮ ﻗﺎﺯﺍﻧﺪﺍ ﻗﺎﻳﻨﯩﺸﯩﭗ ﻛﻪﺗﻜﻪﻥ ﺋﻪﺭﻩﺏ ﻣﻪﺋﯩﺸﯩﺘﻰ ﮬﻪﻡ ﺷﻪﮬﯟﯨﺘﯩﻨﻰ ﺑﯩﺰﮔﻪ ﻧﺎﮬﺎﻳﯩﺘﻰ ﺭﻭﺷﻪﻥ ﻛﯚﺭﺳﻪﺗﺘﻰ. ﻣﻪﻳﻠﻰ ﺋﯘ ﻗﺎﻟﺴﯘﻥ، ﺑﺎﻗﺎﺳﻰ ﻳﻮﻕ ﺷﻪﮬﯟﻩﺕ ﻛﯚﺭﯛﻧﯜﺷﻠﯩﺮﻯ ﺷﯘ ﺟﺎﻳﯩﺪﯨﻼ ﻗﺎﻟﺴﯘﻥ. ﻗﺎﻳﺘﺎ ﺑﺎﺭﻏﺎﻧﺪﺍ ﻳﻪﻧﻪ ﺷﯘﻧﻰ ﻛﯚﺭﮔﻪﻧﺪﻩ ﺋﯘﻧﭽﻪ ﮬﺎﻳﺎﺟﺎﻧﻠﯩﻨﯩﭗ، ﮬﻪﯞﻩﺳﻠﯩﻨﯩﭗ ﻛﻪﺗﻤﻪﻳﻠﻰ، ﺑﻪﺭﯨﺒﯩﺮ ﻳﻪﻳﻤﯩﺰ، ﭼﯩﻘﯩﺮﯨﻤﯩﺰ. ﺑﻪﺩﻩﻥ ﺑﯩﺮ ﺯﺍﯞﯗﺕ ﺧﺎﻻﺱ! ﻧﻪﭘﺴﯩﻤﯩﺰ: "ﻳﻪﻧﻪ ﺑﺎﺭﻣﯘ ﻣﻪﻥ ﻳﻪﻳﺪﯨﻐﺎﻥ؛ ﻳﻪﻧﻪ ﺑﺎﺭﻣﯘ ﻣﻪﻥ ﺋﻮﻳﻨﺎﭖ ﻳﺎﻳﺮﺍﻳﺪﯨﻐﺎﻥ..."ﺩﯦﻴﯩﺸﯩﻨﻰ ﺗﺎ ﺋﯚﻟﮕﯩﭽﻪ ﺗﻮﺧﺘﺎﺗﻤﺎﻳﺪﯗ. ﺟﻪﮬﻪﻧﻨﻪﻡ ﺋﻮﺗﯩﺪﻩﻙ ﺗﻮﻳﻤﺎﺱ ﻧﻪﭘﺴﯩﻤﯩﺰﻧﻰ ﺑﯧﺴﯩﻘﺘﯘﺭﯗﺵ ﺋﯜﭼﯜﻥ ﺩﯗﻧﻴﺎﻏﺎ ﻗﯧﻴﺪﺍﭖ ﺑﯩﭙﻪﺭﯞﺍ ﺑﻮﻟﯘﯞﺍﻟﺴﺎﻗﻤﯘ ﺑﻮﻟﯩﺪﯗ، ﺋﯘﻧﻰ ﭼﻮﯓ ﺑﯩﻠﻤﯩﺴﻪﻛﻼ ﺑﻮﻟﺪﻯ.

ﻣﯘﻗﻪﺩﺩﻩﺱ ﻣﻪﺳﺠﯩﺪﻯ ﮬﻪﺭﺍﻣﻐﺎ ﻛﯩﺮﮔﻪﻧﺪﻩ ﺗﯘﻧﺠﻰ ﻗﯧﺘﯩﻤﻘﯩﺪﻩﻙ (2002-ﻳﯩﻠﺪﯨﻜﯩﺪﻩﻙ) ﮬﺎﻳﺎﺟﺎﻧﻠﯩﻨﯩﭗ ﺗﯩﺘﺮﻩﭖ ﻛﻪﺗﻤﯩﺪﯨﻢ. ﺳﻮﻏﯘﻗﻘﺎﻧﻠﯩﻖ، ﻗﻪﺩﯨﺮﺩﺍﻧﻠﯩﻖ ﺗﯘﻳﻐﯘﺳﯩﺪﺍ ﺗﺎﯞﺍﺏ ﻗﯩﻠﺪﯨﻢ. ﻣﻪﻥ ﻗﯘﻟﯘﯕﻤﻪﻥ ﺋﻪﻱ ﺭﻩﺑﺒﯩﻢ، ﭼﺎﻗﯩﺮﯨﻘﯩﯖﻐﺎ ﺑﯩﻨﺎﺋﻪﻥ ﻣﻪﻥ ﻛﻪﻟﺪﯨﻢ! ﺩﻩﭖ ﻧﯩﺪﺍ ﻗﯩﻠﯩﭗ ﻛﻪﻟﮕﻪﻧﮕﻪ ﻳﺎﺭﯨﺸﺎ ﺑﯘ ﺋﯩﺒﺎﺩﻩﺗﻨﻰ ﺋﯩﺨﻼﺱ ﺑﯩﻠﻪﻥ ﺋﻮﺭﯗﻧﻠﯩﺪﯨﻢ. ﺋﯘﺯﺍﻕ ﻛﯚﺭﻣﯩﮕﻪﻥ ﻣﯘﻗﻪﺩﺩﻩﺱ ﻣﻪﺳﭽﯩﺘﻨﯩﯔ ﻣﯘﺯﺩﻩﻙ ﻣﻪﺭﻣﻪﺭ ﺗﺎﺷﻠﯩﺮﻯ ﭘﯘﺗﯘﻣﻨﻰ ﺋﺎﺟﺎﻳﯩﭗ ﺭﺍﮬﻪﺗﻠﻪﻧﺪﯛﺭﺩﻯ، ﻧﺎﻣﺎﺯﻟﯩﺮﯨﻢ ﺑﯚﻟﻪﻛﭽﻪ ﮬﯘﺯﯗﺭﻻﻧﺪﯗﺭﺩﻯ. ﻣﻪﻗﺎﻣﻪ ﺋﯩﺒﺮﺍﮬﯩﻢ ﺋﺎﻟﺪﯨﺪﯨﻦ ﺋﯚﺗﻜﻪﻥ ﺗﺎﯞﺍﺑﭽﯩﻼﺭﻣﯘ  ﺩﻩﺧﻠﻰ ﻗﯩﻠﻤﯩﺪﻯ.

ﺗﺎﮬﺎﺭﻩﺕ ﺑﯩﻠﻪﻥ ﻳﯘﻳﯘﻟﻤﺎﻗﺘﺎ ﻛﯜﻧﻠﻪﺭ، ﺋﺎﻕ ﺗﺎﺵ، ﻣﻪﺭﻣﻪﺭ ﺗﺎﺵ، ﺑﯘ ﺋﯩﺴﺴﯩﻘﺘﺎ ﻣﯘﺯﺩﻩﻙ ﺭﺍﮬﻪﺗﻨﻰ ﺋﯩﺰﺩﻩﻳﻤﯩﺰ . ﺋﯘﻳﻐﯘﺭﻻﺭ ﺋﯘﻳﻐﯘﺭ ﺗﯩﻠﯩﻨﻰ ﺋﺎﯕﻠﯩﺘﯩﭗ ﻣﻪﻛﻜﯩﻨﻰ ﺧﯘﺩﺩﻯ ﺋﯚﺯ ﻣﻪﮬﻪﻟﻠﻪﻣﺪﻩﻙ ﺋﺎﯞﺍﺗﻼﺷﺘﯘﺭﻣﺎﻗﺘﺎ.  ﺑﻪﻟﮕﯩﻠﻪﺭ ﺋﯚﺗﯜﺷﯩﺪﯗ، ﺳﯚﺯﻟﻪﺭ ﻳﺎﺩﻟﯩﻨﯩﺪﯗ. ﻛﻪﻳﭙﯩﻴﺎﺕ ﮬﻪﺭ ﺋﻪﺳﻨﺎﺩﺍ ﻛﻮﻧﯩﺮﺍﻳﺪﯗ. ﻳﯧﯖﻰ ﺗﯘﻳﻐﯘ، ﻳﯧﯖﻰ ﺋﻪﻧﺪﯨﺸﻪ، ﻳﯧﯖﻰ ﺧﺎﭘﯩﻠﯩﻘﻨﻰ ﺗﯘﻏﯩﺪﯗ. ﻛﯚﺭﯛﻧﻤﻪﺱ ﺑﯧﺴﯩﻢ ﺋﻪﺭﻛﯩﻨﻠﯩﻜﯩﻤﯩﺰﻧﻰ ﺑﻮﻏﯩﺪﯗ. ﺋﺎﻟﻼ ﺗﺎﺋﺎﻻ ﺷﯘﻧﺪﺍﻕ ﮬﯧﻜﻤﻪﺗﻠﯩﻚ ﺯﺍﺗﻜﻰ، ﺋﯘﻧﯩﯔ ﺳﯩﺮ-ﺋﻪﺳﺮﺍﺭﻟﯩﺮﯨﻨﻰ ﺋﯚﻣﯜﺭ ﺑﻮﻳﻰ ﺑﯩﻠﯩﭗ ﺑﻮﻻﻟﻤﺎﻳﻤﯩﺰ، ﭘﻪﻗﻪﺕ ﮬﯧﺲ ﻗﯩﻠﯩﻤﯩﺰ، ﺋﻮﻳﻐﺎ ﭼﯚﻣﯩﻤﯩﺰ. ﺋﺎﻧﺪﺍ-ﺳﺎﻧﺪﺍ ﮔﺎﯕﮕﯩﺮﺍﻳﻤﯩﺰ. "ﺋﯩﻨﺴﺎﻧﻨﯩﯔ ﺋﻮﻳﻐﺎ ﭼﯚﻣﯜﺷﻰ ﺧﯘﺩﺍﻧﯩﯔ ﻛﯜﻟﻜﯩﺴﯩﻨﻰ ﻗﯩﺴﺘﺎﻳﺪﯗ" ﺩﯦﮕﻪﻥ ﮔﻪﭘﻜﻪ ﺯﻭﻗﻠﯩﻨﯩﭗ ﻛﯧﺘﯩﭙﺘﯩﻜﻪﻧﻤﻪﻥ، ﺑﯘ ﺋﻪﺳﻠﯩﺪﻩ ﻳﻪﮬﯘﺩﯨﻴﻼﺭﻧﯩﯔ ﻣﺎﻗﺎﻟﯩﻜﻪﻥ، ﺯﻩﮬﻪﺭﺧﻪﻧﺪﻩ ﻳﻪﮬﯘﺩﯨﻴﻼﺭﻧﯩﯔ ﺯﻩﮬﻪﺭﻟﯩﻚ ﮔﻪﭘﻠﯩﺮﻯ، ﺯﻩﮬﻪﺭ ﺗﺎﺭﻗﯩﺘﯩﭗ ﻳﯜﺭﮔﻪﻥ ﺗﻪﺷﯟﯨﻘﺎﺕ ﯞﺍﺳﯩﺘﯩﻠﯩﺮﻯ ﺷﻪﻳﺘﺎﻧﻠﯩﺮﯨﻤﯩﺰ ﺑﯩﻠﻪﻥ ﺋﯩﺘﺘﯩﭙﺎﻕ ﺗﯜﺯﯛﭖ ﺑﻮﻟﻐﺎﻥ ﮔﻪﭖ. ﻣﯘﺳﯘﻟﻤﺎﻧﻼﺭﻏﺎ ﺧﻪﯞﭖ، ﺋﺎﺯﻏﯘﻧﻠﯘﻕ ﺋﺎﻣﯩﻠﻠﯩﺮﻯ ﻧﻪﺩﯨﻦ ﻛﯧﻠﯩﯟﺍﺗﯩﺪﯗ؟

ﺯﻩﻧﮕﻰ ﺋﺎﻳﺎﻟﻨﯩﯔ ﻳﯜﺯﻯ، ﺟﺎﺩﯗ ﻛﯚﺯﻯ، ﻛﯚﻛﺴﻰ ﺟﯩﺪﺩﻩ ﺷﻪﮬﯩﺮﯨﻨﯩﯔ ﺋﯘﻧﺘﯘﻟﻤﺎﺱ ﺋﻪﺳﻠﯩﻤﯩﺴﻰ ﺑﻮﻟﯘﭖ ﻗﺎﻟﺪﻯ. ﻛﯚﭘﻜﯚﻙ ﻗﯩﺰﯨﻞ ﺩﯦﯖﯩﺰﻧﯩﯔ ﻳﯧﻨﯩﻐﺎ ﺑﺎﺭﺍﻟﻤﯩﺪﯗﻕ. ﺋﻮﭘﭽﻪ ﺋﯩﻤﻜﺎﻧﯩﻴﻪﺕ ﺋﻮﭘﭽﻪ ﻗﯩﺴﻤﺎﻗﻨﻰ ﻗﯘﺭﺩﻯ. ﻣﺎﻟﻠﯩﺮﯨﻨﻰ ﺗﺎﺷﻼﭖ ﻧﺎﻣﺎﺯﻏﺎ ﻛﻪﻟﮕﻪﻥ ﺋﻪﺭﻩﺑﻠﻪﺭ، ﻛﯚﭼﻤﻪﻧﻠﻪﺭ ﻧﺎﻣﺎﺯﺩﯨﻦ ﻛﯧﻴﯩﻦ ﻳﻪﻧﻪ ﭘﯘﻝ ﻏﯧﻤﯩﺪﻩ ﻻﻏﺎﻳﻼﭖ ﻣﯧﯖﯩﺸﺘﻰ. ﻗﻮﺭﺳﺎﻕ ﺑﯩﺰﻧﻰ ﺋﺎﻟﺪﯨﺮﺍﺗﺘﻰ. ﺋﯧﺴﯩﻞ ﻣﺎﺭﻛﯩﻐﺎ ﭼﻮﻗﯘﻧﯘﺵ ﻛﯧﺴﯩﻠﻰ ﺋﻪﯞﺝ ﺋﺎﻟﻐﺎﻥ ﺑﯘ ﺩﻩﯞﺭﺩﻩ "ﺑﻪﺯ ﻳﯧﻤﻪﻳﺪﯨﻐﺎﻥ ﻣﯜﺷﯜﻙ ﺑﺎﺭﻣﯘ؟"ﺩﻩﭖ ﻣﺎﻟﻐﺎ ﺩﯛﻡ ﭼﯜﺷﯜﭖ، ﺑﯘ ﻗﯩﻠﻤﯩﺸﯩﻤﯩﺰﻧﻰ ﺗﻪﺑﯩﺌﯩﺘﯩﻤﯩﺰﮔﻪ ﺑﺎﻏﻼﭖ ﺗﻮﻏﺮﺍ ﭼﯜﺷﯩﻨﯩﺪﯨﻐﺎﻥ ﺑﻮﻟﯘﭖ ﻛﻪﺗﺘﯘﻕ. ﺑﯩﭽﺎﺭﻩ ﺷﻮﭘﯘﺭ ﺋﺎﭺ ﻗﺎﻟﺪﻯ. ﻣﻪﻥ ﺑﯩﺮﺳﯩﮕﻪ ﺋﯩﭻ ﺋﺎﻏﺮﯨﺘﺴﺎﻡ ﻛﯩﻢ ﻣﺎﯕﺎ ﺋﯩﭻ ﺋﺎﻏﺮﯨﺘﯩﺪﯗ؟ ﻛﯩﻤﻠﻪﺭﻧﯩﯔ ﺋﻪﺯﯨﺰﻟﯩﺮﻯ ﻛﯩﻤﻠﻪﺭﮔﻪ ﺧﺎﺭ ﺋﻪﻣﻪﺱ؟!

ﺋﯘﻟﯘﻍ ﺋﺎﻟﻼﮬﺘﯩﻦ ﺋﯚﺯﻩﻣﮕﻪ ﺷﻪﮬﯟﻩﺗﺘﯩﻦ ﻛﯧﭽﻪﻟﻪﻳﺪﯨﻐﺎﻥ ﺋﯩﻤﺎﻥ ﺗﯩﻠﻪﻳﻤﻪﻥ، ﻛﯜﭼﻠﯜﻙ ﺋﯩﻤﺎﻥ ﺋﺎﺭﻗﯩﻠﯩﻖ ﻛﯜﭼﻠﯜﻙ ﺋﺎﺩﻩﻡ ﺑﻮﻟﯘﺷﻨﻰ ﺋﺎﺭﺯﯗ ﻗﯩﻠﯩﻤﻪﻥ. ﻗﻪﺑﺮﻩ، ﺟﻪﮬﻪﻧﻨﻪﻡ ﺋﺎﺯﺍﺑﯩﺪﯨﻦ ﭘﺎﻧﺎﮬ ﺗﯩﻠﻪﻳﻤﻪﻥ. ﺋﻪﻣﻪﻟﺪﻩ ﺋﯩﻨﭽﯩﻜﯩﻠﻪﭖ ﻛﻪﺗﻜﻪﻥ ﺋﯩﻨﺴﺎﻥ ﺋﯚﺯ ﭘﻪﺭﯞﻩﺭﺩﯨﮕﺎﺭﯨﻐﺎ ﻗﺎﻧﭽﻪ ﻧﺎﺯﯗﻙ ﺗﻪﯞﻩﺯﺯﯗ، ﭼﯩﻦ ﻣﯘﮬﺘﺎﺟﻠﯩﻖ ﮬﻪﺭﯨﻜﯩﺘﻰ ﯞﻩ ﺗﯩﻠﻪﻛﻠﯩﺮﻯ ﺑﯩﻠﻪﻥ ﻳﯧﻘﯩﻨﻼﺷﺴﺎ ﺷﯘﻧﭽﻪ ﻳﺎﺧﺸﻰ ﺩﻩﭖ ﺋﻮﻳﻼﻳﻤﻪﻥ.

ﻛﯧﭽﯩﯧﺪﻩ ﺗﺎﺭ ﻛﻮﭼﯩﻨﯩﯔ ﻗﺎﺭﺍﯕﻐﯘ، ﺗﯩﻚ ﺩﺍﯞﺍﻧﻠﯩﻖ ﻳﻮﻟﻠﯩﺮﻯ ﺋﻪﺧﻠﻪﺕ، ﻣﺎﺷﯩﻨﺎ ﺑﯩﻠﻪﻥ ﺗﻮﺷﯘﭖ ﻛﻪﺗﻜﻪﻥ، ﻳﻮﻟﺪﺍ ﺑﺎﻟﯩﻼﺭ ﻳﯧﻠﻰ ﻗﺎﻟﻤﯩﻐﺎﻥ ﺑﯩﺮ ﺗﻮﭘﻨﻰ ﺗﺎﻟﯩﺸﯩﭗ ﺋﻮﻳﻨﺎﯞﺍﺗﻘﺎﻥ، ﻣﯜﺷﯜﻛﻠﻪﺭ ﺑﯩﺮ ﺋﻪﺧﻠﻪﺕ ﺧﺎﻟﺘﯩﺴﯩﻨﻰ ﺗﯩﺮﻣﯩﻼﯞﺍﺗﻘﺎﻥ، ﺋﯚﻱ-ﺋﯚﻳﺪﻩ ﻗﺎﺭﺍ ﺭﻭﻣﺎﻟﻠﯩﻖ ﺋﺎﻳﺎﻟﻼﺭ(ﺑﻪﻟﻜﯩﻢ ﻧﯧﮕﯩﺮ ﺋﺎﻳﺎﻟﻼﺭ) ﻳﻮﺗﻘﺎﻥ ﺳﯧﻠﯩﯟﺍﺗﻘﺎﻥ ﺑﯩﺮ ﭼﺎﻏﺪﺍ ﻣﻪﻥ ﺑﻪﻙ ﺗﻮﻳﯘﭖ ﻛﻪﺗﻜﻪﻥ ﻗﺎﺭﻧﯩﻤﻨﻰ ﻛﺎﻧﺎﺭﺩﻩﻙ ﺋﯧﺴﯩﭗ، ﻳﻪﯕﮕﯩﻠﻠﯩﻚ، ﻳﯧﯖﯩﻠﯩﻖ، ﻛﻪﭼﻤﯩﺶ، ﺗﻪﺳﯩﺮﺍﺕ ﺋﯩﺰﺩﻩﭖ ﺷﯘ ﻳﻪﺭﻟﻪﺭﺩﯨﻦ ﻻﻏﺎﻳﻼﭖ ﺋﯚﺗﺘﯜﻡ، ﺋﯧﺰﯨﭗ ﻗﯧﻠﯩﭗ ﺗﺎﻏﺪﯨﻦ ﭼﯜﺷﺘﯜﻡ. ﺷﯧﻐﯩﻞ ﺗﻮﭘﺎ ﻳﻮﻟﻼﺭﺩﺍ ﻳﺎﭘﻮﻥ ﻣﺎﺷﯩﻨﯩﻠﯩﺮﯨﺪﺍ ﻛﯧﺮﯨﻠﯩﭗ ﺋﻮﻟﺘﯘﺭﯗﭖ ﻳﺎﻧﻔﻮﻧﺪﺍ ﺳﯚﺯﻟﯩﺸﯩﯟﺍﺗﻘﺎﻥ ﺋﻪﺭﻩﺑﻠﻪﺭﮔﻪ ﮬﯧﭻ ﮬﻪﯞﻩﺳﻠﻪﻧﻤﯩﺪﯨﻢ، ﺑﯩﭽﺎﺭﻩ ﺑﺎﻳﻼﺭ.

ﻧﺎﻣﺎﺯ-ﺋﯩﺒﺎﺩﻩﺗﺘﯩﻦ ﺑﺎﺷﻘﺎ ﮬﯧﭻ ﺋﯩﺸﻨﯩﯔ ﺗﺎﻳﯩﻨﻰ ﻳﻮﻕ ﺋﯚﺗﯜﭖ ﻛﯧﺘﯩﯟﺍﺗﻘﺎﻥ ﺑﯘ ﻛﯜﻧﻠﻪﺭﺩﻩ ﺗﻪﻳﻴﺎﺭﺗﺎﭘﻠﯩﻘﻘﺎ ﻛﯚﻧﯜﭖ ﻛﻪﺗﺘﯩﻢ. ﺋﯘﻳﻘﯘ ﭘﯘﺭﺍﭖ ﺗﯘﺭﻏﺎﻥ ﻳﺎﺗﺎﻗﺘﺎ ﺟﺎﮬﺎﻧﻨﻰ ﻛﺎﺭﯨﯟﺍﺗﻘﺎ ﻣﯘﺟﻪﺳﺴﻪﻣﻠﻪﭖ، ﻣﯜﺷﯜﻛﻨﯩﯔ ﻣﯩﻴﺎﯕﻼﺷﻠﯩﺮﯨﻨﻰ .ﺋﺎﯕﻠﯩﻤﺎﻱ، ﭼﯜﺷﯜﻣﺪﻩ ﺧﻮﺗﯘﻧﯘﻣﻐﺎ ﺗﺎﺵ ﺋﯧﺘﯩﭗ، ﺋﯘﻧﯩﯔ ﺋﺎﺗﻘﺎﻥ ﺗﯧﺸﯩﺪﯨﻦ ﻗﯧﭽﯩﭗ، ﮬﯧﺮﯨﭗ-ﺋﯧﭽﯩﭗ ﺋﻮﻳﻐﯩﻨﯩﭗ ﻛﻪﺗﻜﻪﻥ ﭼﺎﻏﺪﺍ ﺋﻪﺯﺍﻥ ﺋﺎﯞﺍﺯﯨﻨﻰ ﺋﺎﯕﻼﭖ، ﺋﯩﻠﻤﺎﻥ ﺳﯘﺩﺍ ﺗﺎﮬﺎﺭﻩﺕ ﻳﯧﯖﯩﻼﭖ ﻳﯧﻘﯩﻨﺪﯨﻜﻰ ﻣﻪﺳﭽﯩﺘﻜﻪ ﭼﯩﻘﺘﯩﻢ.

ﺋﯘﻳﻐﯘﺭﻻﺭ ﻛﯚﭘﻪﻳﻤﻪﻛﺘﻪ، ﺷﺎﻧﻠﯩﻖ ﻗﻪﺩﻩﻣﻠﻪﺭ ﺑﯩﻠﻪﻥ ﻛﯧﺘﯩﯟﺍﺗﻘﺎﻥ ﮬﺎﺟﯩﻼﺭﻏﺎ ﻣﻪﻳﻠﻰ ﻗﺎﻧﺪﺍﻕ ﺑﻮﻟﯘﺷﯩﺪﯨﻦ ﻗﻪﺗﺌﯩﻴﻨﻪﺯﻩﺭ ﮬﯚﺭﻣﻪﺕ ﺑﯩﻠﺪﯛﺭﯛﺵ ﻛﯧﺮﻩﻙ. ﮬﻪﺭ ﻛﯩﻤﻨﯩﯔ ﺋﯩﺨﻼﺳﻰ ﻳﺎﺭﺍﺗﻘﯘﭼﯩﺴﯩﻐﺎ ﺋﺎﻳﺎﻥ.  ﻣﯘﺳﯘﻟﻤﺎﻥ ﻗﯧﺮﯨﻨﺪﯨﺸﯩﻤﯩﺰ، ﭼﯩﻦ ﻗﯧﺮﯨﻨﺪﯨﺸﯩﻤﯩﺰ، ﺋﻪﻣﻤﺎ ﻗﯩﻠﺪﯨﻦ ﻗﯩﻴﯩﻖ ﻛﻪﺗﺴﻪﻙ  ﺑﯩﺮ ﺩﻩﻣﺪﻩ ﻳﺎﺗﻠﯩﺸﯩﻤﯩﺰ. ﺑﻪﺭﯨﺒﯩﺮ ﺋﺎﻳﺮﯨﻢ-ﺋﺎﻳﺮﯨﻢ ﺋﯩﻨﺴﺎﻧﻤﯩﺰ. ﻣﻪﻧﭙﻪﺋﻪﺕ، ﻗﻮﺭﺳﺎﻕ ﺳﻮﻗﯘﺷﻰ، ﻗﻮﺭﺳﺎﻕ ﻛﯚﭘﯜﻛﻰ ﭘﯜﭼﻪﻙ ﻛﺎﻟﻠﯩﺪﯨﻨﻤﯘ، ﺳﺎﻟﻤﺎﻕ ﻛﺎﻟﻠﯩﺪﯨﻨﻤﯘ ﺗﯧﭙﯩﻠﯩﺪﯗ. ﺋﯜﭼﻪﻳﺪﻩﻙ ﭼﯩﺮﻣﯩﺸﯩﭗ ﻛﻪﺗﻜﻪﻥ ﻧﺎﭼﺎﺭ ﺋﻮﻱ-ﺧﯩﻴﺎﻝ ﻣﯧﯖﯩﻤﯩﺰﺩﻩ ﻟﻮﻏﯘﻟﺪﺍﻳﺪﯗ، ﺑﺎﺵ ﮬﻪﺭ ﺋﺎﻥ ﻟﻮﻗﯘﻟﺪﺍﻳﺪﯗ.  ﺋﻪﯓ ﺗﻮﻏﺮﯨﺴﯩﻨﻰ ﺑﯩﻠﮕﯜﭼﻰ ﺋﺎﻟﻼﮬﺘﯘﺭ. ﺋﯘ ﭘﯧﻘﯩﺮ ﺑﻪﻧﺪﯨﺴﯩﻨﻰ ﺋﯘﻧﯩﯔ ﺗﯧﮕﻰ-ﺗﻪﻛﺘﻰ ﻣﺎﮬﯩﻴﯩﺘﯩﮕﯩﭽﻪ ﺋﻪﯓ ﺗﻮﻟﯘﻕ ﭼﯜﺷﻪﻧﮕﯜﭼﯩﺪﯗﺭ. ﺋﯘ ﺋﺎﺗﺎ ﻗﯩﻠﻐﺎﻥ ﻳﺎﺧﺸﯩﻠﯩﻘﺘﺎ ﭼﻮﻗﯘﻡ ﺧﻪﻳﺮ-ﺋﯧﮭﺴﺎﻥ ﺑﺎﺭ، ﺋﯘ ﻳﻮﻻﺗﻘﯘﺯﻣﯩﻐﺎﻥ ﮬﻪﺭ ﺋﯩﺸﺘﺎ (ﻣﻪﻳﻠﻰ ﺋﯘﻧﯩﯔ ﺋﺎﻣﻪﺗﻠﯩﻚ ﻳﺎﻛﻰ ﺋﺎﭘﻪﺗﻠﯩﻚ ﺑﻮﻟﯘﺷﯩﺪﯨﻦ ﻗﻪﺗﺌﯩﻴﻨﻪﺯﻩﺭ) ﭼﻮﻗﯘﻡ ﺑﯩﺮ ﻣﯧﮭﺮﯨﺒﺎﻧﻠﯩﻖ ﯞﻩ ﮬﯧﻜﻤﻪﺕ ﺑﺎﺭ. ﺋﺎﻟﻼﮬ  ﻣﺎﻛﺮﻭ، ﻣﯩﻜﺮﻭ ﺋﺎﻟﻪﻡ ﯞﻩ ﻣﻪﯞﺟﯘﺩﺍﺗﻨﯩﯔ ﮬﻪﻣﻤﯩﺴﯩﮕﻪ ﻣﯘﺗﻠﻪﻕ ﮬﺎﻛﯩﻢ ، ﺋﺎﻟﻼﮬ ﺗﻮﺧﺘﯩﻤﺎﻱ ﻳﺎﺭﯨﺘﯩﺪﯗ ﯞﻩ ﺋﯚﺯﮔﯩﺮﯨﺶ ﭘﻪﻳﺪﺍ ﻗﯩﻠﯩﭗ ﺗﯘﺭﯨﺪﯗ.  ﺑﯘﻧﯩﯖﻐﺎ ﺑﯩﺰﺩﻩﻙ ﺋﺎﺩﺩﯨﻲ ﻣﻪﺧﻠﯘﻗﻨﯩﯔ ﺋﻪﻗﻠﻰ ﻻﻝ ﺑﻮﻟﯘﭖ ﺗﻮﺧﺘﺎﭖ ﻗﺎﻟﯩﺪﯗ. ﺑﯩﺰ ﺭﻩﺑﺒﯩﻤﯩﺰ ﺑﯩﺰﮔﻪ ﺑﯩﻠﺪﯛﺭﮔﻪﻧﺪﯨﻦ ﺑﺎﺷﻘﺎ ﮬﯧﭽﻨﯧﻤﯩﻨﻰ ﺑﯩﻠﻤﻪﻳﻤﯩﺰ. ﺋﺎﻟﻼﮬ ﺑﯘ ﺩﯗﻧﻴﺎﻧﻰ ﺋﯩﻨﺴﺎﻧﻼﺭ ﺋﺎﺭﯨﺴﯩﺪﺍ ﺋﺎﻳﻼﻧﺪﯗﺭﯗﭖ ﺗﯘﺭﯨﺪﯗ، ﺷﯘﯕﺎ ﺋﯘ "ﺩﻩﯞﺭ" ﺩﻩﭖ ﺋﺎﺗﯩﻠﯩﺪﯗ؛  ﺋﺎﺟﯩﺰ ﺋﯩﻨﺴﺎﻧﻤﯩﺰ، ﺋﯩﻤﺎﻥ ﺑﯩﻠﻪﻥ ﻛﯜﭼﻠﻪﻧﺴﻪﻙ ﺩﻩﻳﻤﯩﺰ، ﺑﻪﺧﺖ-ﺳﺎﺋﺎﺩﻩﺗﻜﻪ ﺋﯧﺮﯨﺸﯩﺶ ﺋﯜﭼﯜﻥ ﻏﻪﻳﺒﻜﻪ ﺋﯩﺸﯩﻨﯩﺶ، ﺋﯩﺒﺎﺩﻩﺕ  ﻳﻮﻟﯩﻨﻰ ﺗﺎﻟﻼﺵ، ﺳﺎﻟﯩﮭ (ﻳﺎﺧﺸﻰ)ﺋﻪﻣﻪﻟﻠﻪﺭﮔﻪ ﻛﯚﯕﯜﻝ ﺑﯚﻟﯜﺵ ﯞﻩ ﺋﻮﺭﯗﻧﻼﺵ ﻧﯘﺭﻏﯘﻥ ﺋﯩﻨﺴﺎﻧﻼﺭﻏﺎ ﮬﻪﻗﯩﻘﻪﺗﻪﻥ ﻣﯘﺷﻪﻗﻘﻪﺗﻠﯩﻚ ﺑﯩﻠﯩﻨﯩﺪﯗ. ﺟﺎﮬﺎﻧﺪﺍ ﻗﺎﻳﺴﻰ ﺋﯩﺶ ﺋﺎﺳﺎﻥ؟!  ﺑﻪﺯﻯ ﮬﻮﻗﯘﻗﺪﺍﺭﻻﺭ ﺋﯚﺯﯨﻨﻰ ﺋﯚﺯﯨﻨﯩﯔ ﻗﻮﻝ ﺋﺎﺳﺘﯩﺪﯨﻜﻰ ﺟﯩﻤﻰ ﺋﺎﺩﻩﻣﻠﻪﺭﺩﯨﻦ ﺋﻪﺯﯨﺰ ﺩﻩﭖ ﺋﻮﻳﻼﻳﺪﯗ، ﮬﻪﺗﺘﺎ ﺋﯚﺯﯨﻨﯩﯔ ﺟﯧﻨﯩﻨﻰ (ﺑﯘ ﺟﺎﻧﻨﯩﯔ ﻗﯩﻤﻤﯩﺘﯩﻨﻰ) ﺷﯘ ﻗﻮﻝ ﺋﺎﺳﺘﯩﺪﯨﻜﯩﻠﻪﺭﻧﯩﯔ ﭘﯜﺗﯜﻥ ﺟﯧﻨﯩﻐﺎ ﺗﻪﯓ ﺩﻩﭖ ﻗﺎﺭﺍﻳﺪﯗ. ﻟﻪﻧﻪﺕ ﺋﯘﻻﺭﻏﺎ ﺩﻩﻳﻤﯩﺰ، ﺋﻪﻣﻤﺎ ﺋﯩﺨﺘﯩﻴﺎﺭﺳﯩﺰ ﺗﻪﭘﺘﺎﺭﺗﯩﻤﯩﺰ، ﺟﻪﻣﺌﯩﻴﻪﺗﻨﯩﯔ ﻛﯚﻧﺪﯛﺭﯛﺵ ﻛﯜﭼﻰ ﻧﻪﻗﻪﺩﻩﺭ ﺯﻭﺭ-ﮬﻪ!

ﺩﯦﻤﻪﻙ، ﺋﺎﻟﻼﮬﺘﯩﻦ ﺋﻪﻳﻤﯩﻨﻤﻪﻳﺪﯨﻐﺎﻥ ﺑﯩﺮ ﺑﻪﻧﺪﻩ ﺋﯚﺯﯨﺪﻩﻙ ﺑﯩﺮ ﺋﺎﺩﻩﻡ،  ﺋﯚﺯﯨﺪﻩﻙ ﺑﯩﺮ ﻣﻪﺧﻠﯘﻕ ﺑﻮﻟﻐﺎﻥ ﺋﺎﺩﻩﻣﺪﯨﻦ ﺋﻪﻳﻤﯩﻨﯩﺪﯗ، ﺗﯩﺘﺮﻩﭖ ﻛﯧﺘﯩﺪﯗ، ﺑﺎﺷﻠﯩﻖ ﺗﺎﻛﻰ ﮬﻮﻗﯘﻗﺘﯩﻦ ﭼﯜﺷﻜﯩﭽﻪ ﺩﯦﻤﯩﻨﻰ ﺋﺎﻻﻟﻤﺎﻳﺪﯗ. ﺑﯘ ﻗﯘﻟﭽﯩﻠﯩﻖ، ﻣﻪﮬﻜﯘﻡ ﻣﯩﺠﻪﺯﻟﯩﻚ ﺷﯘ ﺋﺎﺩﻩﻣﻨﯩﯔ ﺋﯚﺯﯨﮕﻪ ﺋﯚﺯﻯ ﺯﯗﻟﯘﻡ ﺳﯧﻠﯩﺸﻰ، ﺋﯚﺯﯨﻨﻰ ﭘﻪﺳﻠﻪﺷﺘﯜﺭﮔﻪﻧﻠﯩﻜﻰ ﺑﻮﻟﻤﺎﻱ ﻧﯧﻤﻪ؟  ﻣﯘﺳﯘﻟﻤﺎﻥ ﺩﯦﮕﻪﻥ "ﺌﺎﻟﻼﮬﻘﺎ ﺑﻮﻳﺴﯘﻧﻐﯘﭼﻰ" ﻣﻪﻧﯩﺴﯩﻨﻰ ﺗﺎﭘﺎﻟﻤﯩﺴﺎ ﺋﯘﻧﯩﯔ ﻳﻪﻧﻪ ﻧﯧﻤﻪ ﻣﻪﻧﯩﺴﻰ ﻗﺎﻟﺴﯘﻥ؟ ﺋﻮﻳﻼﭖ ﺑﺎﻗﺴﺎﻕ ، ﺋﯩﻤﺎﻥ ﺋﯘﻧﭽﯩﯟﺍﻻ ﺋﺎﺩﺩﯨﻲ ﺋﯘﻗﯘﻡ ﺋﻪﻣﻪﺳﻜﻪﻥ،  ﺋﯘ ﭘﯜﺗﯜﻥ ﺭﻭﮬﯩﻤﯩﺰﻧﯩﯔ ﻗﯘﯞﯞﯨﺘﻰ ﺋﯩﻜﻪﻥ. ﺑﯘﻧﻰ ﻛﯚﭘﯩﻨﭽﻪ ﻣﯘﺳﯘﻟﻤﺎﻥ ﭼﻮﯕﻘﯘﺭ ﮬﯧﺲ ﻗﯩﻼﻟﻤﺎﻳﻼ ﺋﯚﺗﯜﭖ ﻛﯧﺘﯩﺪﯨﻜﻪﻥ، ﺋﯩﻤﺎﻥ ﺑﯩﻠﻪﻥ ﮬﺎﻳﺎﺗﯩﻨﻰ ﺋﺎﻳﺮﯨﭗ ﻳﺎﺷﺎﭖ ﺋﯚﻟﯜﭖ ﻛﯧﺘﯩﺪﯨﻜﻪﻥ...

ﺷﯘ ﺳﯧﺮﯨﻖ ﺳﻪﺗﻪﯕﻠﻪﺭﻣﯘ ﺋﺎﻟﻼﮬﻨﯩﯔ ﻣﯘﻛﻪﻣﻤﻪﻝ ﺳﻪﻧﺌﯩﺘﻰ، ﺋﻪﻣﻤﺎ ﺋﯘﻻﺭﻧﯩﯔ ﺭﻭﮬﻰ ﭼﯩﺮﯨﭗ ﺑﯘﻟﻐﺎﻧﻐﺎﻥ. ﺋﺎﺷﯘ ﺷﻪﮬﯟﻩﺕ ﻳﻪﻣﭽﯜﻛﻠﯩﺮﻯ ﺑﯘ ﺩﯗﻧﻴﺎﻧﯩﯔ ﻗﯩﻴﯩﻦ ﺳﯩﻨﺎﻗﻠﯩﺮﯨﻨﻰ ﺋﻮﺗﺘﯘﺭﯨﻐﺎ ﺗﺎﺷﻼﻳﺪﯗ. ﺋﯘﻧﯩﯖﺪﯨﻦ ﭘﻪﻗﻪﺕ ﺋﯩﻤﺎﻧﻰ ﻛﯜﭼﻠﯜﻛﻠﻪﺭ ﺋﻮﯕﯘﺷﻠﯘﻕ ﺋﯚﺗﻪﻟﯩﺸﻰ ﻣﯘﻣﻜﯩﻦ. ﻣﻪﻥ ﺋﯚﺗﻪﻟﻤﻪﺳﻠﯩﻜﯩﻢ ﻣﯘﻣﻜﯩﻦ. ﻣﻪﻧﺪﻩ ﻗﺎﻟﺪﯗﻕ ﺯﻩﮬﻪﺭ ﻛﯚﭖ. ﻣﻪﻧﺪﻩ ﺯﯨﻴﺎﺩﻩ ﻧﻪﭘﺴﺎﻧﯩﻴﻪﺕ ، ﺭﺍﮬﻪﺗﭙﻪﺭﻩﺳﻠﯩﻚ ﻛﯧﺴﯩﻠﻰ ﺑﺎﺭ، ﭘﺎﺕ-ﭘﺎﺕ ﻗﻮﺯﻏﺎﭖ ﻗﻮﻳﯩﺪﯗ. ﺋﯘﻧﻰ-ﺑﯘﻧﻰ ﺩﻩﭖ، ﺑﯩﺮ ﮬﻪﭘﺘﻪ ﺋﯚﺗﺘﻰ. 27-ﻧﻮﻳﺎﺑﯩﺮ ﻛﯧﭽﯩﺪﻩ ﺑﯘ ﺧﺎﺗﯩﺮﯨﻨﻰ ﺟﯩﺠﯩﻼﭖ ﺋﻮﻟﺘﯘﺭﯗﭘﺘﯩﻤﻪﻥ. ﺳﻪﮬﻪﺭﺩﻩ ﺋﯚﺗﻜﻪﻥ ﺳﺎﯞﺍﺑﻠﯩﻖ ﺳﺎﺋﻪﺗﻠﯩﺮﯨﻢ ﺧﺎﺗﯩﺮﯨﻠﻪﺷﻜﻪ ﺋﻪﺭﺯﯨﻴﺪﯗ.  ﺋﯩﻜﻜﻰ ﺳﯜﺭﻩ ﻳﺎﺩﻟﯩﺪﯨﻢ، ﺋﻪﻣﺪﻯ ﻣﻪﻧﺪﻩ ﺋﯩﺰﭼﯩﻠﻠﯩﻖ ﻛﻪﻡ ﺑﻮﻟﻤﯩﺴﺎ ﺑﻮﻻﺗﺘﻰ. ﺧﻪﻳﺮﻟﯩﻚ ﺋﻪﻣﻪﻟﺪﯨﻜﻰ ﺋﯩﺰﭼﯩﻠﻠﯩﻖ ﻣﯘﯞﺍﭘﭙﻪﻗﯩﻴﻪﺗﻨﯩﯔ ﺷﻮﺗﯩﺴﻰ. ﮬﻮﺭﯗﻧﻠﯘﻕ  ﺑﺎﺭ ﺋﯩﻤﻜﺎﻧﯩﻴﻪﺗﻨﯩﻤﯘ ﺗﺎﺭﺍﻳﺘﯩﭗ ﻳﻮﻕ ﻗﯩﻠﯩﯟﯦﺘﯩﺪﯗ. ﭼﯩﯔ ﺋﯩﺮﺍﺩﻩ ﺑﯩﻠﻪﻥ ﺑﻪﻟﻨﻰ ﺑﺎﻏﻼﭖ، ﺳﺎﯞﺍﺏ ﻳﻮﻟﯩﺪﺍ ﮬﻪﻕ ﺋﯩﺒﺎﺩﻩﺕ، ﺋﯩﺰﮔﯜ ﺋﻪﻣﻪﻟﻠﯩﺮﯨﻤﯩﺰﻧﻰ ﺋﯩﺰﭼﯩﻞ ﺋﯩﺠﺮﺍ ﻗﯩﻼﻟﯩﺴﺎﻕ، ﻧﻪﭘﺴﯩﻤﯩﺰﻧﻰ ﮔﯜﺯﻩﻟﻠﯩﻚ ﺑﯩﻠﻪﻥ ﻧﯘﺭﻻﻧﺪﯗﺭﻏﺎﻥ، ﺗﻪﻗﯟﺍﻟﯩﻖ ﺋﺎﺭﻗﯩﻠﯩﻖ ﻗﯩﻤﻤﯩﺘﯩﻤﯩﺰﻧﻰ ﺋﺎﺷﯘﺭﻏﺎﻥ، ﺷﯘ ﻳﻮﺳﯘﻧﺪﺍ ﺋﺎﺧﯩﺮﻩﺗﻠﯩﻜﯩﻤﯩﺰﻧﻰ ﻗﺎﺯﺍﻧﻐﺎﻥ ﺑﻮﻻﺗﺘﯘﻕ.

ﻗﺎﺭﺍﯕﻐﯘﺩﺍ ﻣﻪﺳﺠﯩﺪﻯ ﮬﻪﺭﺍﻣﻐﺎ ﻣﺎﯕﺪﯨﻢ، ﻗﻪﺩﻩﻣﻠﯩﺮﯨﻤﮕﻪ ﺳﺎﯞﺍﺏ ﻳﯧﺰﯨﻠﻐﯘﺳﻰ. ﺗﺎﯓ ﻗﺎﺭﺍﯕﻐﯘﺳﯩﺪﯨﻦ(ﺳﯜﺑﮭﻰ ﺳﺎﺩﯨﻘﺘﯩﻦ) ﻳﯧﺮﯨﭗ ﺋﯚﺗﻜﻪﻥ ﺋﻪﺯﺍﻥ ﺋﺎﯞﺍﺯﻯ ﺗﺎ ﻗﯩﻴﺎﻣﻪﺗﻜﯩﭽﻪ ﺋﺎﯕﻠﯩﻨﯩﺪﯗ، ﺑﯩﺰ ﺋﯚﻟﯜﭖ ﻛﯧﺘﯩﻤﯩﺰ، ﺳﺎﻧﺎﻗﻠﯩﻖ ﻛﯜﻧﻠﯩﺮﯨﻤﯩﺰ ﻗﺎﻟﺪﻯ. ﺭﻩﮬﻤﻪﺕ ﺗﯧﻐﯩﻐﺎ، ﺋﻪﺭﻩﻓﺎﺕ ﻣﻪﻳﺪﺍﻧﯩﻐﺎ ﻣﺎﺷﯩﻨﯩﺪﺍ ﻛﯧﺘﯩﯟﺍﺗﻘﺎﭺ ﺋﺎﺑﺪﯗﻟﺒﺎﺳﺖ ﺋﺎﺑﺪﯗﺳﻪﻣﻪﺗﻨﯩﯔ ﻳﯘﻗﯩﺮﻯ ﺋﺎﯞﺍﺯﺩﯨﻜﻰ ﻣﯘﯕﻠﯘﻕ ﻗﯩﺮﺍﺋﯩﺘﯩﻨﻰ ﺋﺎﯕﻼﭖ ﻛﯚﺯﻟﯩﺮﯨﻤﮕﻪ ﻳﺎﺵ ﻛﻪﻟﺪﻯ. ﺋﺎﻟﻼﮬﻨﯩﯔ ﻛﺎﻻﻣﻰ ﺋﯚﺯ ﺑﻪﻧﺪﯨﺴﯩﻨﯩﯔ ﻛﺎﻣﺎﻟﻪﺗﻜﻪ ﻳﻪﺗﻜﻪﻥ ﺋﺎﯞﺍﺯﯨﺪﺍ ﮬﻪﻗﺪﺍﺩﯨﻐﺎ ﻳﻪﺗﻜﯜﺯﯛﭖ ﺗﯩﻼﯞﻩﺕ ﻗﯩﻠﯩﻨﺴﺎ ﻣﻪﻥ ﻣﯘﺳﯘﻟﻤﺎﻥ ﺩﯦﮕﻪﻥ ﻛﯩﺸﯩﻨﯩﯔ ﻗﻪﻟﺒﻰ ﻟﻪﺭﺯﯨﮕﻪ ﻛﯧﻠﯩﺪﯨﻜﻪﻥ، ﺯﻭﻗﻼﻧﺴﺎﻕ ﻣﺎﻧﺎ ﻣﯘﺷﯘﻧﺪﺍﻕ ﺑﻪﻧﺪﯨﻠﻪﺭﻧﯩﯔ ﺗﺎﻻﻧﺘﯩﻐﺎ ﺯﻭﻗﻼﻧﺴﺎﻕ ﺑﻮﻟﯩﺪﯗ، ﻣﯘﯕﻼﻧﺴﺎﻕ ﻣﺎﻧﺎ ﻣﯘﺷﯘﻧﺪﺍﻕ ﺋﯘﻟﯘﻍ ﺧﯩﺘﺎﺏ، ﻧﻪﺳﯩﮭﻪﺗﻠﻪﺭﺩﯨﻦ ﻣﯘﯕﻼﻧﺴﺎﻕ، ﺗﻪﺳﯩﺮﻟﻪﻧﺴﻪﻙ ﺑﻮﻟﯩﺪﯗ. ﺋﺎﻟﻼﮬ ﺋﯘ ﺭﻩﮬﻤﻪﺗﻠﯩﻜﻨﻰ ﺟﻪﻧﻨﻪﺕ ﻣﻪﻗﺎﻣﯩﻐﺎ ﻳﻪﺗﻜﯜﺯﮔﻪﻱ.  ﺭﻩﮬﻤﻪﺕ ﺗﯧﻐﻰ ﻳﯧﻨﯩﺪﺍ ﺭﻩﺳﯩﻤﮕﻪ ﭼﯜﺷﻜﻪﻧﺪﻩ ﻛﯜﭼﻠﯜﻙ ﻗﯘﻳﺎﺵ ﻧﯘﺭﯨﺪﯨﻦ ﻛﯚﺯﯛﻣﻨﻰ ﺋﺎﭼﺎﻟﻤﺎﻱ ﻗﺎﻟﺪﯨﻢ، ﻏﯘﯞﺍﻻﺷﺘﯩﻢ، ﺋﺎﻟﻼﮬﻨﯩﯔ ﭼﯩﺮﯨﻐﻰ ﺋﺎﻟﺪﯨﺪﺍ ﺋﯧﺮﯨﭗ ﻳﻮﻕ ﺑﻮﻟﺪﯗﻡ، ﻛﯚﺯﻟﯩﺮﯨﻤﺪﯨﻦ ﻳﺎﺵ ﺋﺎﻗﺘﻰ، ﮬﯩﺮﺍ ﻏﺎﺭﯨﻐﺎ ﭼﯩﻘﯩﺪﯨﻐﺎﻥ ﺗﯩﻚ ﺩﺍﯞﺍﻧﻐﺎ ﻣﺎﺷﯩﻨﯩﻠﯩﻖ ﻳﺎﻣﺎﺷﺘﯘﻕ. ﺋﯩﻤﺎﻧﻠﯩﻖ ﺷﻮﭘﯘﺭﻻﺭﻧﯩﯔ ﺧﻪﺗﻪﺭﮔﻪ ﺗﻪﯞﻩﻛﻜﯘﻝ ﻗﯩﻠﯩﺸﯩﺪﯨﻦ ﮬﻪﻳﺮﻩﺗﺘﻪ ﻗﺎﻟﺪﯨﻢ. ﮔﻪﺭﭼﻪ ﮬﯩﺮﺍ ﻏﺎﺭﯨﻨﯩﯔ ﺋﯚﺯﯨﻨﻰ ﻛﯚﺭﻩﻟﻤﯩﮕﻪﻥ ﺑﻮﻟﺴﺎﻗﻤﯘ، ﭘﻪﻳﻐﻪﻣﺒﯩﺮﯨﻤﯩﺰ ﭼﯩﻘﻘﺎﻥ، ﺗﯘﻧﺠﻰ ﯞﻩﮬﻴﻰ ﺟﺎﻳﻰ ﺑﻮﻟﻐﺎﻥ ﺧﯩﺴﻠﻪﺗﻠﯩﻚ ﺗﺎﻏﻘﺎ ﻧﻪﺯﻩﺭ ﺳﯧﻠﯩﭗ، ﺋﺎﺟﺎﻳﯩﭗ ﺋﯩﺰﮔﯜ ﺗﯘﻳﻐﯘﻻﺭﻏﺎ ﭼﯚﻣﯜﻟﺪﯛﻡ، ﮬﻪﻳﺮﺍﻥ ﺑﺎﻗﺘﯩﻢ، ﺗﺎﺭﯨﺨﻨﯩﯔ ﺑﯩﺮ ﭘﻪﻳﺘﻰ ﺋﯚﭘﭽﯚﺭﯨﻤﯩﺰﺩﻩ، ﯞﺍﻗﯩﺘﺘﺎ ﺗﻮﺧﺘﺎﭖ ﻗﺎﻟﺪﻯ. ﺑﯘ ﺋﺎﺟﺎﻳﯩﭗ ﭼﻮﯕﻘﯘﺭ ﺑﯩﺮ ﺋﻪﺳﻠﯩﻤﻪ ﺑﻮﻟﯘﭖ ﻗﺎﻟﻐﯘﺳﻰ.

ﺷﻪﻳﺘﺎﻧﻐﺎ ﺗﺎﺵ ﺋﺎﺗﯩﺪﯨﻐﺎﻥ ﻣﻪﻳﺪﺍﻥ ﻗﻪﯞﻩﺗﻠﻪﭖ ﺋﯩﮕﯩﺰﻟﻪﯞﯦﺘﯩﭙﺘﯘ. ﺷﻪﻳﺘﺎﻥ ﮬﻪﺩﺩﯨﺪﯨﻦ ﺋﺎﺷﻤﺎﻗﺘﺎ، ﺋﺎﺩﻩﻣﻠﻪﺭﻣﯘ ﺑﻮﺵ ﻛﻪﻟﻤﯩﮕﯜﺩﻩﻙ.  ﺭﻩﺑﺒﺎﻧﯩﻲ ﺭﻭﮬﯩﻢ ﺑﺎﺭﻣﯘ؟ ﺷﻪﻳﺘﺎﻧﻨﻰ ﻳﯧﯖﯩﭗ ﻏﻪﻟﯩﺒﯩﮕﻪ، ﻧﯩﺠﺎﺗﻠﯩﻘﻘﺎ ﺋﯧﺮﯨﺸﻪﻟﻪﻣﺪﯨﻤﻪﻥ ؟ ﺋﺎﻟﻼﮬﻨﯩﯔ ﮬﯧﻜﻤﯩﺘﻰ ﺑﺎﺭﭼﻪ ﻳﺎﺧﺸﯩﻠﯩﻘﻨﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ. ﺋﺎﻟﻼﮬﻨﯩﯔ ﺷﯘﻧﭽﻪ ﺳﯜﭘﻪﺗﻠﯩﺮﯨﮕﻪ ﻧﯧﻤﯩﺸﻘﺎ ﻧﻪﺯﻩﺭ ﺳﺎﻟﻤﺎﻳﻤﻪﻥ؟ ﻧﯧﻤﯩﺸﻘﺎ ﻗﯘﺭﺋﺎﻥ ﺋﻮﻗﯘﭖ ﻗﻪﻟﺒﯩﻤﻨﻰ ﺋﺎﺭﺍﻡ ﺗﺎﭘﻘﯘﺯﻣﺎﻳﻤﻪﻥ؟ ﻣﺎﯕﺎ ﺷﯘ ﺋﺎﻳﻪﺗﻠﻪﺭ ﻳﻪﺗﻤﻪﻣﺪﯗ؟  ﺑﯘﻧﻰ ﺋﯚﺯﻩﻣﮕﻪ، ﻳﯧﺮﯨﻤﻰ ﺷﻪﻳﺘﺎﻧﯩﻲ ﯞﻩﺳﯟﻩﺳﯩﮕﻪ ﺗﻮﻟﻐﺎﻥ ﻛﯧﺴﻪﻝ ﻛﯚﯕﻠﯜﻣﮕﻪ ﺩﻩﯞﺍﺗﯩﻤﻪﻥ.

ﭼﯜﺷﺘﯩﻦ ﻛﯧﻴﯩﻨﻜﻰ ﭼﯜﺷﯜﻣﺪﻩ ﺗﻮﭖ ﻣﻪﻳﺪﺍﻧﯩﻨﻰ، ﻣﻪﻳﺪﺍﻧﺪﺍ ﻛﻮﻧﺎ ﺩﻭﺳﺘﻼﺭﻧﻰ، ﺗﻮﻧﯘﺵ، ﭼﯩﺮﺍﻳﻠﯩﻖ ﻗﯩﺰﻻﺭﻧﻰ ﻛﯚﺭﯛﭘﺘﯩﻤﻪﻥ. ﺋﯘﻧﺘﯘﻟﯘﭖ ﻛﻪﺗﺘﯩﻢ، ﮬﺎﻳﺎﺗﻠﯩﻘﻘﺎ، ﮬﻪﺭﯨﻜﻪﺗﻜﻪ ﻳﯧﯖﯩﻼﻧﺪﯨﻢ.

4600 ﺋﺎﺩﻩﻡ ﺗﺎﺭﻗﺎﻕ ﮬﻪﺝ ﻗﯩﻠﻐﯩﻠﻰ ﻛﻪﻟﺪﻯ، ﭘﺎﻛﯩﺴﺘﺎﻧﺪﯨﻦ، ﻣﺎﻻﻳﺴﯩﻴﺎﺩﯨﻦ، ﺗﺎﻳﻼﻧﺪﯨﻦ... ﻳﻪﻧﻪ ﻛﯧﻠﯩﯟﺍﺗﯩﺪﯗ. ﺟﺎﭘﺎ، ﺋﺎﭼﻠﯩﻖ، ﻛﯧﺴﻪﻟﻠﯩﻚ، ﻗﺎﺗﻨﺎﺵ ﯞﻩﻗﻪﺳﻰ.. ﺗﯜﭘﻪﻳﻠﯩﺪﯨﻦ 20 ﻧﻪﭼﭽﻪ ﺋﺎﺩﻩﻡ ﻗﺎﺯﺍ ﻗﯩﻠﺪﻯ. ﺑﻪﻟﻜﯩﻢ ﺋﯘﻻﺭﻧﻰ ﺩﯙﻟﯩﺘﯩﻤﯩﺰﻧﯩﯔ ﺟﯩﺪﺩﯨﺪﻩ ﺗﯘﺭﯗﺷﻠﯘﻕ ﻛﻮﻧﺴﯘﻟﺨﺎﻧﯩﺴﻰ ﺋﯩﺴﭙﺎﺕ ﭼﯩﻘﯩﺮﯨﭗ ﺩﻩﭘﻨﻪ ﻗﯩﻠﺪﯗﺭﺩﻯ. ﮬﺎﻳﺎﺗﻼﺭﻧﻰ 100-ﺋﯩﺸﺨﺎﻧﺎ ﺋﯚﺯ ﭘﺎﻧﺎﮬﯩﻐﺎ ﺋﺎﻟﺪﻯ. ﺳﻪﺋﯘﺩﻯ ﭘﺎﺩﯨﺸﺎﮬﻰ ﺋﯘﻻﺭﻏﺎ ﭘﻪﻗﻪﺕ ﻣﯘﺷﯘ ﻳﯩﻠﯩﻼ ﺋﻪﺗﯩﮕﻪﻧﻠﯩﻚ ﺗﺎﻣﺎﻕ ﯞﻩ ﻳﺎﺗﺎﻗﻨﻰ ﮬﻪﻗﺴﯩﺰ ﺗﻪﻣﯩﻨﻠﻪﻳﺪﯨﻜﻪﻥ. ﻛﯧﻠﻪﺭ ﻳﯩﻠﻰ ﯞﯨﺰﺍ ﺑﯧﺮﯨﺸﻨﻰ ﺭﻩﺳﻤﻰ ﺗﻮﺧﺘﯩﺘﯩﺪﯨﻜﻪﻥ، ﺑﯘ ﻳﯩﻞ ﺋﺎﺧﯩﺮﻗﻰ ﭘﯘﺭﺳﻪﺗﻜﻪﻥ...

ﺧﻪﻳﺮﻟﯩﻚ ﺳﻪﮬﻪﺭﻧﻰ ﻗﻮﻏﻼﭖ ﻳﻪﺗﺘﯩﻢ. ﻧﯘﺭﺍﻧﻪ ﻛﻪﭼﻤﯩﺶ، ﮔﯜﺯﻩﻝ ﺋﻪﺳﻠﯩﻤﻪ... ﺭﺍﺯﻯ ﺑﻮﻝ ﻗﻪﻟﺒﯩﻢ ﺷﯘ ﺋﻪﺳﻨﺎﻻﺭﻏﺎ.

ﻣﻪﻛﻜﯩﺪﯨﻜﻰ ﺑﯩﻨﺎﻻﺭﻧﯩﯔ ﺋﯚﮔﺰﯨﻠﯩﺮﯨﮕﻪ ﺑﺎﻻﺩﻩﻙ ﻗﺎﺯﺍﻧﻼﺭ ﺋﻮﺭﻧﯩﺘﯩﻠﻐﺎﻥ. 300 ﻧﻪﭼﭽﻪ ﺗﯧﻠﯩﯟﯨﺰﯨﻴﻪ ﻗﺎﻧﯩﻠﻰ ﺭﻩﯕﮕﺎﺭﻩﯓ ﺋﺎﻳﺎﻟﻼﺭ، ﭘﺎﮬﯩﺸﻪﻟﻪﺭ، ﭘﺎﮬﯩﺸﻪﺳﯩﻤﺎﻥ ﺳﻪﺗﻪﯕﻠﻪﺭ، ﺳﺎﻗﺎﻟﻠﯩﻖ ﺋﻪﺭﻩﺑﻠﻪﺭ، ﺋﻪﺑﮕﺎ ﻗﺎﺭﺍﻣﺘﯘﻟﻼﺭ، ﺗﯩﺘﺮﯨﺸﯩﻢ ﻧﺎﺧﺸﺎ-ﻣﯘﺯﯨﻜﯩﻼﺭ، ﻣﯘﯕﻠﯘﻕ ﻏﯩﺠﻪﻙ-ﺋﯩﺴﻜﯩﺮﯨﭙﻜﯩﻼﺭ، ﺭﯦﺘﯩﻤﻠﯩﻖ ﺩﯗﻣﺒﺎﻗﻼﺭ، ﺗﻮﻟﻐﯩﻤﺎ ﺋﯘﺳﯘﻟﻼﺭ، ﺟﯩﻨﺎﻳﻪﺕ، ﺳﯜﻳﻘﻪﺳﺖ ﺧﻪﯞﻩﺭﻟﯩﺮﻯ، ﻗﯩﻤﺎﺭ ﺋﻮﻳﯘﻧﻠﯩﺮﻯ، ﺋﯧﻼﻥ، ﺟﯩﻨﺴﯩﻲ ﺋﯧﺰﯨﻘﺘﯘﺭﻣﯩﻼﺭ ﺑﯩﻠﻪﻥ ﻟﯩﻖ ﺗﻮﺷﯘﭖ ﻛﯧﺘﯩﭙﺘﯘ... ﺑﯩﺮ ﺑﺎﺷﺘﯩﻦ ﻳﯚﺗﻜﻪﺷﻜﯩﻤﯘ ﻳﯧﺮﯨﻢ ﺳﺎﺋﻪﺕ ﯞﺍﻗﯩﺖ ﻛﯧﺘﯩﺪﯨﻜﻪﻥ، ﻛﯚﺯﻟﻪﺭ ﺋﺎﻟﯩﭽﻪﻛﻤﻪﻥ ﺑﻮﻟﯩﺪﯨﻜﻪﻥ، ﻛﯚﺭﮔﻪﻧﭽﻪ ﺋﯩﭽﯩﻤﯩﺰ ﺗﯧﺨﯩﻤﯘ ﭘﯘﺷﯘﭖ، ﺳﯩﻘﯩﻠﯩﭗ ﻛﯧﺘﯩﻜﻪﻥ... ﺗﯧﺘﯩﻐﯩﺪﻩﻙ ﻧﻪﺭﺳﯩﻠﻪﺭ ﺋﺎﺯ، ﺑﺎﺭ ﺑﻮﻟﺴﯩﻤﯘ ﺋﯘﻧﻰ ﮬﯧﻠﯩﻘﯩﺪﻩﻙ ﺋﯧﺰﯨﻘﺘﯘﺭﻣﯩﻼﺭ ﺑﯧﺴﯩﭗ ﻛﯧﺘﯩﺪﯨﻜﻪﻥ. ﺩﯦﻤﻪﻙ، ﺳﻪﻥ ﺑﯘ ﺩﯨﻞ ﺑﯘﺯﯗﺭ "ﺷﻪﻳﺘﺎﻥ ﺳﺎﻧﺪﯗﻗﻰ" ﺋﺎﻟﺪﯨﺪﺍ ﺋﯧﺰﯨﻘﯩﺸﻘﺎ ﻣﻪﮬﻜﯘﻣﺴﻪﻥ، ﻛﺎﻟﻼﯕﻨﯩﯔ ﺑﯩﺮ ﻗﯩﺴﻤﻰ ﺋﺎﻟﻠﯩﻘﺎﭼﺎﻥ ﺑﯘ ﺩﯗﻧﻴﺎ ﺷﻪﮬﯟﯨﺘﯩﮕﻪ ﺳﯧﺘﯩﻠﯩﭗ ﻛﻪﺗﻜﻪﻥ. ﺋﯚﺯﻩﯕﻨﻰ، ﺋﯩﻤﺎﻧﯩﯖﻨﻰ، ﺳﺎﺋﺎﺩﯨﺘﯩﯖﯩﻨﻰ ﻗﺎﻧﺪﺍﻕ ﻗﺎﻳﺘﯘﺭﯗﭖ ﻛﯧﻠﻪﻟﻪﻳﺴﻪﻥ؟!

ﻧﯧﮕﯩﺮ ﺋﺎﻳﺎﻟﻨﯩﯔ ﻗﻮﻟﯩﺪﻩﻙ ﻳﯘﻣﺸﺎﻕ ﻛﻪﺷﻜﻪ ﺩﻩﺳﺴﻪﭖ ﻣﺎﯕﺪﯨﻢ، ﻛﻪﭘﺘﻪﺭﮔﻪ ﺩﺍﻥ ﭼﺎﭼﺘﯩﻢ. ﭼﻪﺑﺪﻩﺱ ﺋﻪﺭﻟﻪﺭﮔﻪ، ﮔﯜﺯﻩﻝ ﺋﺎﻳﺎﻟﻼﺭﻏﺎ ﺯﻭﻗﻠﯩﻨﯩﻤﯩﺰ، ﺋﻪﻣﻤﺎ ﺗﻪﻗﯟﺍﺩﺍﺭﻻﺭﻏﺎ ﺯﻭﻗﻼﻧﻤﺎﻳﻤﯩﺰ، ﮬﻪﺗﺘﺎ ﺋﯘﻧﯩﯔ ﻣﯘﺷﻪﻗﻘﯩﺘﯩﮕﻪ ﺋﯩﭻ ﺋﺎﻏﺮﯨﺘﯩﻤﯩﺰ، ﺋﯘﻧﻰ ﺋﺎﺟﯩﺰ،  ﺳﺎﺩﺩﺍ، ﮔﻮﻝ ﺋﺎﺩﻩﻣﻤﯩﺪﯗ ﺩﻩﭖ ﺋﻮﻳﻼﭖ ﻗﺎﻟﯩﻤﯩﺰ، ﺋﯘﻧﻰ ﺑﯘ ﺟﺎﮬﺎﻧﻐﺎ ﻣﺎﺳﻠﯩﺸﺎﻻﺭﻣﯘ؟ ﺟﯧﻨﯩﻨﻰ ﺟﺎﻥ ﺋﯧﺘﯩﭗ ﻳﺎﺧﺸﻰ ﻳﺎﺷﯩﻴﺎﻻﺭﻣﯘ ﺩﻩﭖ ﮔﯘﻣﺎﻥ ﻗﯩﻠﯩﻤﯩﺰ، ﻣﺎﮬﯩﻴﻪﺗﺘﻪ ﺋﯚﺯﯨﻤﯩﺰ ﺑﯩﭽﺎﺭﻩ، ﺑﯩﭽﺎﺭﻩ ﺗﯘﻳﻐﯘﻻﺭﻧﻰ ﻛﯩﭽﯩﻚ ﺷﯧﺮﯨﻚ(ﺋﺎﻟﻼﮬﻘﺎ ﺷﯧﺮﯨﻚ ﻛﻪﻟﺘﯜﺭﯛﺵ ﭼﻮﯓ ﺷﯧﺮﯨﻚ، ﻛﯩﭽﯩﻚ ﺷﯧﺮﯨﻚ ﺩﻩﭖ ﺋﯩﻜﻜﯩﮕﻪ ﺑﯚﻟﯜﻧﯩﺪﯨﻜﻪﻥ) ﺋﺎﺭﻗﯩﻠﯩﻖ ﭘﻪﻳﺪﺍ ﻗﯩﻠﯩﻤﯩﺰ. ﻣﯘﻧﺎﭘﯩﻖ ﻛﯚﯕﯜﻝ ﺋﺎﺧﯩﺮ ﺋﻪﯓ ﭼﻮﯓ ﭼﺎﺗﺎﻗﻨﻰ ﺗﯧﺮﯨﻴﺪﯗ. ﻧﺎﻣﺎﺯ ﮬﻪﻕ، ﯞﻩﺩﻩ ﮬﻪﻕ، ﺋﻪﮔﻪﺭ ﺑﯩﺰ ﯞﻩﺩﯨﻨﻰ ﻳﺎﻟﻐﺎﻧﺪﯨﻦ ﺋﻮﺭﯗﻧﻠﯩﺴﺎﻕ ﺯﯨﻴﯩﻨﻰ ﺋﯚﺯﯨﻤﯩﺰﮔﻪ، ﭼﯩﻦ ﺋﯩﺨﻼﺱ ﺑﻮﻟﻤﯩﻐﺎﻥ ﻳﺎﻛﻰ ﺳﻪﻣﯩﻤﯩﻴﻠﯩﻚ، ﺳﻪﯞﺭ ﻛﻪﻡ ﺑﻮﻟﻐﺎﻥ ﯞﻩﺩﻩ ﺑﯩﺰﻧﻰ ﺋﺎﺧﯩﺮ ﺗﻪﯕﻠﯩﻜﺘﻪ ﻗﻮﻳﯘﺷﻰ، ﮬﻪﺗﺘﺎ ﺭﻩﺳﯟﺍ ﻗﯩﻠﯩﺸﻰ ﻣﯘﻣﻜﯩﻦ. ﻛﺎﺯﺯﺍﭖ، ﻣﯘﻧﺎﭘﯩﻖ ﺑﻪﻧﺪﻩ ﺑﻮﻟﯘﭖ ﻗﯧﻠﯩﺸﺘﯩﻦ ﺧﯘﺩﺍ ﺳﺎﻗﻠﯩﺴﯘﻥ. ﺋﻪﻣﻤﺎ ﻧﻪﭘﺴﯩﻤﯩﺰﻧﻰ ﻳﯧﯖﻪﻟﻤﻪﻳﻼ ﻛﯧﺘﯩﯟﺍﺗﯩﻤﯩﺰ، ﻳﺎﺷﻠﯩﻖ ﺋﻪﺳﻪﺑﯩﻴﻠﯩﻚ، ﻗﯩﺘﯩﻐﯘﺭﻟﯘﻕ ﺩﻩﯞﺭﻯ ﺩﻩﭖ ﺋﯚﺯﯨﻤﯩﺰﻧﻰ ﮬﻪﺭ ﻗﺎﻧﭽﻪ ﺑﻪﺯﻟﯩﺴﻪﻛﻤﯘ، ﺋﻪﻗﯩﻞ ﺗﻮﺧﺘﯩﺸﻰ ﻛﯧﺮﻩﻙ ﺑﻮﻟﻐﺎﻥ ﺑﯘ ﺋﯚﻣﯜﺭ-ﺭﯨﺰﯨﻖ ﺟﻪﺭﻳﺎﻧﻠﯩﺮﯨﻤﯩﺰﺩﺍ ﺋﯩﻤﺎﻧﯩﻤﯩﺰﻧﻰ ﮬﻪﻗﯩﻘﯩﻲ ﻛﯜﭼﻪﻳﺘﯩﺸﯩﻤﯩﺰ ﻛﯧﺮﻩﻙ ﺋﯩﺪﻯ؛ ﺋﻪﭘﺴﯘﺱ، ﺋﺎﺭﻣﺎﻥ، ﻛﯧﺴﻪﻟﻠﯩﻚ ﮬﻪﺳﺮﯨﺘﻰ، ﺗﯜﮔﯩﻤﻪﺱ ﻧﺎﺩﺍﻣﻪﺗﻠﻪﺭﮔﻪ ﺑﺎﺵ ﺋﻪﮔﻤﻪﺳﻠﯩﻚ ﺋﯜﭼﯜﻥ ﺭﻭﮬﯩﻲ ﻗﯘﯞﯞﯨﺘﯩﻤﯩﺰﻧﻰ ﺋﺎﺷﯘﺭﯗﭖ، ﻧﻪﭘﺴﯩﻲ ﺳﺎﺗﻘﯘﻧﻠﯘﻗﻨﻰ ﭼﻪﻛﻠﯩﺸﯩﻤﯩﺰ ﮬﻪﻡ ﺋﯘﻧﯩﯖﺪﯨﻦ ﻏﺎﻟﯩﭗ ﻛﯧﻠﯩﺸﯩﻤﯩﺰ ﻛﯧﺮﻩﻙ ﺋﯩﺪﻯ؛ ﺋﻪﻣﻤﺎ ﻛﯧﺴﻪﻟﻠﯩﻚ ﻗﺎﻳﺘﺎ-ﻗﺎﻳﺘﺎ ﻗﻮﺯﻏﯩﻠﯩﭗ ﺗﯜﭘﺘﯩﻦ ﺳﺎﻗﺎﻳﻤﺎﻳﯟﺍﺗﯩﺪﯗ. ﻗﻪﻟﺒﻠﻪﺭ ﺗﯩﺰﮔﯩﻨﯩﻨﻰ ﺗﯘﺗﯘﭖ ﺗﯘﺭﻏﯘﭼﻰ ﻗﯘﺩﺭﻩﺗﻠﯩﻚ ﺋﺎﻟﻼﮬ ﺑﯩﺰﻧﻰ ﺗﻮﻏﺮﺍ ﻳﻮﻟﻐﺎ ﺩﺍﯞﺍﻣﻠﯩﻖ ﺑﺎﺷﻠﯩﻐﺎﻱ، ﺩﯛﺷﻤﻪﻧﮕﻪ ﻳﯧﯖﯩﻠﻤﯩﮕﻪﻳﻤﯩﺰ، ﻧﻪﭘﺴﯩﻲ ﺷﻪﻳﺘﺎﻧﻐﺎ ﺋﯧﮕﯩﻠﻤﯩﮕﻪﻳﻤﯩﺰ. ﺷﻪﻳﺘﺎﻧﻐﺎ ﻳﯧﯖﯩﻠﻤﻪﺳﻠﯩﻚ ﺋﯜﭼﯜﻥ ﺷﻪﻳﺘﺎﻧﻨﻰ ﭼﯜﺷﯩﻨﯩﺶ ﻻﺯﯨﻢ، ﺭﻩﺳﯟﺍ، ﻳﺎﻣﺎﻥ ﻗﯩﻠﯩﻘﻼﺭﻧﯩﻤﯘ ﻛﯚﺭﯛﺵ ﻻﺯﯨﻢ؛ ﺷﯩﺠﺎﺋﻪﺗﻠﯩﻚ، ﻛﻪﯓ ﻗﻮﺭﺳﺎﻕ، ﺋﻪﺭﻛﯩﻦ ﭘﯩﻜﯩﺮﻟﯩﻚ، ﮬﻪﺭﯨﻜﻪﺗﭽﺎﻥ ﺑﻮﻟﯘﺵ ﻻﺯﯨﻢ؛ ﺑﺎﺵ ﭘﺮﯨﻨﺴﭙﺘﯩﻦ ﭼﻪﺗﻨﯩﻤﻪﻱ، ﻛﯩﭽﯩﻚ ﻣﻪﺳﯩﻠﯩﻠﻪﺭﺩﻩ ﺗﯩﺰﮔﯩﻨﯩﻤﯩﺰﻧﻰ ﺳﻪﻝ ﺋﻪﺭﻛﯩﻦ ﻗﻮﻳﯘﯞﯦﺘﯩﭗ، ﺭﻭﮬﯩﻲ ﻗﯘﯞﯞﻩﺗﻨﻰ ﮬﯩﺪﺍﻳﻪﺗﻜﻪ (ﻳﯧﯖﻰ ﺋﯩﺮﺍﺩﻩ ﯞﻩ ﻛﻪﻳﭙﯩﻴﺎﺗﻘﺎ) ﺑﺎﺷﻼﭖ، ﮬﻪﺭﯨﻜﯩﺘﯩﻤﯩﺰﻧﻰ ﻣﯘﺳﺘﻪﮬﻜﻪﻡ ﻗﯩﻠﯩﺸﯩﻤﯩﺰ، ﺋﯩﻤﺎﻥ ﯞﻩ ﺋﻪﻣﻪﻟﺪﻩ ﺗﯘﺭﺍﻗﻠﯩﻖ ﺑﻮﻟﯘﺷﯩﻤﯩﺰ ﻛﯧﺮﻩﻙ. ﺋﯩﻨﺸﺎﺋﺎﻟﻼﮬ، ﺋﺎﻟﻼﮬ ﺗﯩﻠﻪﻛﻠﯩﺮﯨﻤﯩﺰﮔﻪ ﻳﻪﺗﻜﯜﺯﮔﻪﻱ...

ﻳﯘﻣﺸﺎﻕ ﻛﺎﺭﯨﯟﺍﺗﺘﺎ ﻣﯜﺷﯜﻛﺘﻪﻙ ﻳﺎﺗﻤﺎﻗﺘﯩﻤﻪﻥ، ﻣﻪﻛﻜﯩﺪﻩ ﻣﯜﺷﯜﻙ ﮬﻪﻗﯩﻘﻪﺗﻪﻥ ﻛﯚﭖ ﺋﯩﻜﻪﻥ، ﻛﺎﻟﻼﻡ ﮔﻮﻳﺎ ﻳﺎﺳﺘﯘﻗﺘﻪﻙ ﻳﯘﻣﺸﺎﭖ، ﺑﻪﺩﯨﻨﯩﻢ ﺑﯩﺮﺗﺎﻏﺎﺭ ﮔﯚﺷﺘﻪﻙ ﺋﯧﻐﯩﺮﻻﭖ ﻛﻪﺗﺘﻰ. ﺋﻪﺯﺍﻥ ﭼﯩﻘﯩﺪﯗ، ﺋﯘﻳﻘﯘﺩﯨﻦ ﻗﻮﭘﻘﺎﻧﺪﺍ ﻧﺎﻣﺎﺯ، ﻧﺎﻣﺎﺯﺩﯨﻦ ﻳﯧﻨﯩﭗ ﻳﻪﻧﻪ ﺋﯘﻳﻘﯘ، ﺋﯩﺸﯩﻚ ﺑﺎﻗﺎﺭﻣﯘ ﺧﯘﺩﺩﻯ ﻛﯧﺴﻪﻟﺪﻩﻙ ﻳﺎﺗﯩﺪﯗ. ﻗﺎﺭﺍﭖ، ﺑﯘ ﺋﯩﻨﺴﺎﻧﻼﺭ ﻗﺎﭼﺎﻥ ﺋﯚﺭﻩ ﺗﯘﺭﯗﭖ ﻳﺎﺷﺎﻳﺪﯨﻐﺎﻧﺪﯗ ﺩﻩﭖ ﻗﺎﻟﯩﻤﻪﻥ. ﺋﻪﺭﻩﺑﻠﻪﺭ ﻣﺎﺷﯩﻨﯩﻠﯩﻖ ﻣﺎﯕﯩﺪﯗ، ﺗﯩﻚ ﻳﺎﺭﻏﺎ ﻳﺎﻣﯩﺸﯩﺪﯗ، ﺑﺎﻟﯩﻠﯩﺮﻯ ﻣﻮﺗﻮﺩﯨﻦ ﭘﻪﺳﻜﻪ ﻣﻮﻟﻼﻕ ﺋﺎﺗﻤﺎﻱ ﭼﯜﺷﯩﺪﯗ، ﺋﯘﻻﺭ ﻳﯜﺯﯨﻨﻰ ﻳﯚﮔﻪﺷﻜﻪ ﺋﺎﻣﺮﺍﻕ ﺋﻮﺧﺸﺎﻳﺪﯗ. ﻣﺎﯕﺎ ﻳﻮﻝ ﺑﺎﺷﻠﯩﻐﺎﻥ ﺑﺎﻻ ﺋﻮﻏﯘﻟﻜﻪﻥ.  ﺑﯩﺮ ﻣﯜﺷﯜﻙ ﺑﯩﻠﻪﻥ ﺩﻭﻗﯘﺭﯗﺷﯘﭖ ﺋﯚﺗﯜﭖ ﻛﻪﺗﺘﯩﻢ. ﻛﺎﺭﯨﯟﺍﺗﺘﺎ ﻳﯧﺘﯩﯟﯦﺮﯨﭗ ﻗﯘﺭﺗﻘﺎ ﺋﺎﻳﻠﯩﻨﯩﭗ ﻗﺎﻟﻤﺎﻱ ﺩﻩﭖ، ﺷﺎﻣﺪﯨﻦ ﻳﯧﻨﯩﭗ ﺑﻪﻳﺘﯘﻟﻼﮬﻘﺎ ﻣﺎﯕﺪﯨﻢ، ﻗﺎﺭﺍ ﭼﺎﻳﺸﺎﭘﻠﯩﻖ ﺋﺎﻳﺎﻟﻼﺭ ﺋﯩﭽﯩﺪﻩ ﺩﯙﻧﻪﺭ ﺑﻮﺗﻜﯩﺴﻰ ﺋﺎﻟﺪﯨﺪﺍ ﭼﯧﻠﯩﻘﻘﺎﻥ ﻗﯩﺰ  ﺗﻮﻟﯩﻤﯘ ﭼﯩﺮﺍﻳﻠﯩﻖ ﺋﯩﻜﻪﻥ، ﻣﻪﻥ ﮬﺎﻳﺎﺟﺎﻥ ﺑﻮﻟﻤﯩﺴﺎﻡ ﺋﯘ ﺋﯘﻧﺪﺍﻕ ﻛﯚﺭﯛﻧﻤﻪﻳﺘﺘﻰ. ﻗﯩﺰﻻﺭﻧﯩﯔ ﮔﯜﺯﻩﻝ ﺟﺎﻣﺎﻟﻰ، ﺷﻪﮬﻼ ﻛﯚﺯﻯ، ﻣﯜﺷﯜﻛﻨﯩﯔ ﻛﯚﺯﻯ... ﯞﻩ ﺑﺎﺷﻘﺎ ﺋﺎﺟﺎﻳﯩﭗ ﺳﯧﮭﺮﻯ ﻣﻪﻧﺰﯨﺮﯨﻠﻪﺭﻧﯩﻤﯘ ﺋﺎﻟﻼﮬﻨﯩﯔ ﻣﯚﺟﯩﺰﯨﺴﻰ ﺩﻩﭖ ﮬﯧﺲ ﻗﯩﻠﺪﯨﻢ. ﮬﻪﺭ ﺋﻪﺳﻨﺎﺩﺍ ﺑﯩﺮ ﻣﯚﺟﯩﺰﻩ ﻛﯚﺭﯛﻧﯜﭖ ﺗﯘﺭﯨﺪﯗ، ﺋﻪﻣﻤﺎ ﺋﺎﺩﻩﺗﻠﯩﻨﯩﭗ ﻛﻪﺗﻜﻪﻥ ﻛﯚﺯ ﯞﻩ ﺗﻪﭘﻪﻛﻜﯘﺭ ﺋﯘﻧﻰ ﺑﯩﺰﮔﻪ ﺋﺎﺩﻩﺗﺘﯩﻜﻰ ﻧﻪﺭﺳﯩﻠﻪﺭﺩﻩﻙ، ﺗﻪﺑﯩﺌﯩﻲ ﺷﯘﻧﺪﺍﻕ ﺑﻮﻟﯘﺷﻰ ﻛﯧﺮﻩﻛﺘﻪﻙ ﻛﯚﺭﺳﯩﺘﯩﭗ ﺗﯘﺭﯗﯞﺍﻟﯩﺪﯗ.

ﻏﻪﺭﺏ ﻣﺎﻟﻠﯩﺮﻯ، ﻏﻪﺭﺏ ﺋﯩﺪﯨﻴﯩﺴﻰ، ﺟﯘﯕﮕﻮ ﻣﯧﻠﻰ، ﻣﺎﻟﻐﺎ ﭼﻮﻗﯘﻧﯘﺵ ﺷﺎﻣﯩﻠﻰ ﺑﯘ ﻣﯘﻗﻪﺩﺩﻩﺱ ﺯﯦﻤﯩﻨﻨﯩﯔ ﺗﺎﺭ ﻛﻮﭼﯩﻠﯩﺮﯨﻨﻰ ﻗﺎﭘﺴﺎﭖ، ﺩﯗﻧﻴﺎﭘﻪﺭﻩﺳﻠﻪﺭﻧﯩﯔ ﺋﺎﺯﻏﯩﻨﻪ ﺋﯩﻤﺎﻧﯩﻨﯩﻤﯘ ﻳﺎﻟﻤﺎﭖ ﻳﯘﺗﯘﭖ ﺑﺎﺭﻣﺎﻗﺘﺎ. ﻳﺎﺗﯩﻤﻪﻥ ﺑﻪﺧﯜﺩﯛﻙ، ﻛﻪﻟﮕﯜﺳﻰ ﭘﯩﻼﻥ ﻟﻪﮔﻠﻪﻛﺘﻪﻙ ﺋﯘﭼﯩﺪﯗ، ﻗﻮﻟﯘﻡ ﺗﯩﺘﺮﻩﻳﺪﯗ... ﻣﻪﻧﺰﯨﻞ ﻗﺎﻳﺎﻥ، ﺭﺍﮬﻪﺗﻠﯩﺮﯨﻢ ﻗﺎﭼﺎﻥ؟ ﯞﻩ ﻟﯧﻜﯩﻦ ﻣﯘﺷﻪﻗﻘﯩﺘﯩﻢ ﻛﯧﻠﯩﺪﯗ ﮬﺎﻣﺎﻥ.  ﺗﻪﯞﻩﻛﻜﯘﻝ ﺩﻩﭖ ﺷﯘ ﻳﻪﺭﮔﯩﻤﯘ ﺑﺎﺭﯨﺴﻪﻥ، ﺋﯚﺗﻤﯜﺷﻨﻰ ﺋﻪﺳﻠﯩﺘﯩﺪﯨﻐﺎﻥ ﺷﯩﺮﯨﻦ ﭘﯘﺭﺍﻗﻼﺭﻧﻰ ﻗﯧﻨﯩﭗ ﭘﯘﺭﺍﻳﺴﻪﻥ، ﻗﯩﺰﯨﻘﺎﺭﻟﯩﻖ ﻛﻪﭼﻤﯩﺶ ﺋﯘﺯﺍﻗﻘﺎ ﺑﺎﺭﻣﺎﻳﺪﯗ، ﻗﻮﻻﻳﺴﯩﺰ، ﻛﯚﯕﯜﻟﺴﯩﺰ ﺑﯩﺮ ﺋﯩﺶ ﮬﺎﻣﺎﻥ ﻳﯜﺯ ﺑﯧﺮﯨﺪﯗ. ﺷﻪﻳﺘﺎﻥ، ﺷﻪﻳﺘﺎﻥ... ﻳﻪﻧﻪ ﻛﯚﺭﯛﺷﯩﻤﯩﺰ ﺷﻪﻳﺘﺎﻥ،  ﺑﯘ ﺟﺎﮬﺎﻥ ﺷﯘﯕﺎ ﻗﯩﺰﺯﯨﻖ.

ﺋﻪﻱ ﻧﺎﺩﺍﻥ ﻛﺎﻟﻼ، ﺟﺎﮬﺎﻥ ﺳﺎﯕﺎ ﺷﯘﻧﺪﺍﻕ ﻛﯚﺭﯛﻧﯩﺪﯗ. ﺧﯩﻴﺎﻝ ﮬﻪﻣﻤﻪ ﻧﯧﻤﻪﯕﻨﻰ ﺑﯧﺰﻩﻳﺪﯗ، ﺧﺎﻟﯩﻤﯩﺴﺎﯕﻤﯘ ﺧﺎﻻﻳﺴﻪﻥ. ﺋﯚﻣﯜﺭ ﺋﯘﻳﻘﯘ ﺑﯩﻠﻪﻥ ﺋﯚﺭﻩ ﺗﯘﺭﯨﺪﯗ. ﮬﻪﺭ ﻗﺎﻧﭽﻪ ﺑﯩﺌﺎﺭﺍﻡ ﺑﻮﻟﺴﺎﻣﻤﯘ ﺗﻪﺳﻪﻟﻠﯩﻲ ﺋﯩﺰﻩﭖ ﺗﯘﺭﯨﻤﻪﻥ. ﺑﯩﺌﺎﺭﺍﻣﻠﯩﻖ ﻛﯩﺸﯩﮕﻪ ﺯﯨﻴﺎﻧﻜﻪﺷﻠﯩﻚ ﻗﯩﻠﯩﺪﯗ. ﺑﻪﻳﺘﯘﻟﻼﮬﺘﺎ ﺗﯩﻨﭻ ﺋﻮﻟﺘﯘﺭﯗﭖ ﺗﺎﮬﺎﺭﻩﺕ ﺑﯩﻠﻪﻥ ﻗﯘﺭﺋﺎﻧﻨﻰ ﺗﯘﺗﯘﭖ ﺳﯜﺭﻩ ﻳﺎﺩﻻﺷﺘﯩﻦ ﺑﯚﻟﻪﻙ ﺋﻪﮬﻤﯩﻴﻪﺗﻠﯩﻚ ﺋﯩﺸﯩﻢ ﻗﺎﻟﻤﯩﺪﻯ. ﻧﺎﻣﺎﺯ ﺑﯩﺮ ﺑﻪﻧﺪﯨﻠﯩﻚ ﻣﻪﺟﺒﯘﺭﯨﻴﻪﺕ، ﺋﯚﻣﯜﺭ ﺋﯧﻜﯩﻨﺰﺍﺭﯨﻐﺎ ﺗﯧﺮﯨﻠﯩﺪﯨﻐﺎﻥ ﺯﯨﺮﺍﺋﻪﺕ. ﺷﻪﻛﺴﯩﺰ ﺑﻮﻟﯩﺪﯨﻐﺎﻥ ﻗﯩﻴﺎﻣﻪﺗﺘﻪ ﺷﯘ ﺋﻪﺟﺮﯨﻤﯩﺰ ﮬﯧﺴﺎﺑﻘﺎ ﺋﯧﻠﯩﻨﯩﭗ ﻗﺎﻟﺴﺎ ﺩﻩﻳﻤﯩﺰ.  ﺷﻪﻛﺴﯩﺰﻛﻰ، ﮔﯘﻧﺎﮬ ﺳﺎﯞﺍﺏ ﺋﺎﺭﻗﯩﻠﯩﻖ ﺋﯚﭼﯜﺭﯛﻟﯩﺪﯗ. ﺑﯩﻠﯩﭗ ﺑﯩﻠﻤﻪﻱ ﮔﯘﻧﺎﮬ ﺋﯚﺗﻜﯜﺯﯛﺵ ﺋﺎﺩﻩﺗﺘﯩﻜﻰ ﻣﯚﻣﯩﻨﻨﯩﯔ ﺋﺎﻻﮬﯩﺪﯨﻠﯩﻜﻰ ﺑﻮﻟﻐﺎﭼﻘﺎ ﺷﯘﯕﺎ ﺑﻪﺵ ﯞﺍﻕ ﻧﺎﻣﺎﺯ ﭘﻪﺭﺯ ﻗﯩﻠﯩﻨﻐﺎﻥ ﺑﻮﻟﺴﺎ ﻛﯧﺮﻩﻙ.ﭼﯜﻧﻜﻰ ﺑﻪﻧﺪﯨﺴﯩﻨﻰ ﺑﻪﻙ ﻳﺎﺧﺸﻰ ﺑﯩﻠﯩﺪﯨﻐﺎﻥ، ﮬﯧﻜﻤﻪﺕ ﺑﯩﻠﻪﻥ ﺋﯩﺶ ﻗﯩﻠﯩﺪﯨﻐﺎﻥ ﺋﺎﻟﻼﮬ ﻧﺎﻣﺎﺯﻧﻰ ﺋﺎﺷﯘﻧﺪﺍﻕ ﺭﻩﮬﻤﻪﺕ ﻗﯩﻠﯩﭗ ﺋﻪﻣﺮ ﻗﯩﻠﻐﺎﻥ.

ﻗﯘﻳﺎﺵ ﺑﯘ ﻳﻪﺭﺩﻩ ﺋﺎﺳﺘﺎ ﺋﺎﻳﻠﯩﻨﯩﯟﺍﺗﻘﺎﻧﺪﻩﻙ، ﯞﺍﻗﯩﺖ ﺋﺎﺳﺘﺎ ﺋﯚﺗﯜﯞﺍﺗﻘﺎﻧﺪﻩﻙ، ﺑﯩﻜﺎﺭ ﻗﺎﻟﻐﺎﻥ ﺑﺎﺵ ﻳﺎﻣﺎﻥ، ﺋﻪﺷﻪﺩﺩﯨﻲ ﺧﯩﻴﺎﻟﺪﯨﻦ ﺩﻭﻣﯩﻼﯞﺍﺗﻘﺎﻧﺪﻩﻙ، ﺋﯘﻳﻘﯘﻣﯘ ﮬﺎﺭﻏﯩﻨﻠﯩﻘﻨﻰ ﺗﯜﮔﯩﺘﻪﻟﻤﻪﻳﯟﺍﺗﻘﺎﻧﺪﻩﻙ، ﺑﯩﺮ ﻛﯩﻢ ﻣﯧﻨﻰ ﻳﻮﺷﯘﺭﯗﻥ ﻛﯚﺯﮔﻪ ﺋﯩﻠﻤﺎﻳﯟﺍﺗﻘﺎﻧﺪﻩﻙ، ﻣﯧﻨﻰ ﻛﯧﺮﻩﻛﺴﯩﺰ ﭼﯩﻘﯩﺮﯨﯟﯦﺘﯩﺸﻜﻪ ﮬﻪﺭ ﺯﺍﻣﺎﻥ ﺗﻪﻳﻴﺎﺭ ﺗﯘﺭﯗﯞﺍﺗﻘﺎﻧﺪﻩﻙ، ﺑﯩﺮﺍﯞ ﺑﯩﻠﻪﻥ ﺗﯘﻳﯘﻗﺴﯩﺰ ﺑﯩﺮ ﻧﯧﻤﻪ ﺩﯦﻴﯩﺸﯩﭗ ﻗﺎﻟﯩﺪﯨﻐﺎﻧﺪﻩﻙ، ﺋﯩﻤﺎﻧﯩﻢ ﻛﯩﺸﯩﻠﯩﻚ ﻣﯘﺋﺎﻣﯩﻠﯩﻠﯩﺮﯨﻤﺪﻩ ﺭﻭﻝ ﺋﻮﻳﻨﯩﻴﺎﻟﻤﺎﻳﯟﺍﺗﻘﺎﻧﺪﻩﻙ، ﺑﯩﺮ ﻛﯩﻤﻨﻰ ﻳﺎﺧﺸﻰ ﻛﯚﺭﺳﻪﻡ ﺋﺎﻟﻼﮬ ﺋﯜﭼﯜﻥ ﻳﺎﺧﺸﻰ ﻛﯚﺭﯛﭖ، ﺑﯩﺮ ﻛﯩﻤﻨﻰ ﻳﺎﻣﺎﻥ ﻛﯚﺭﺳﻪﻣﻤﯘ ﺋﺎﻟﻼﮬ ﺋﯜﭼﯜﻥ ﻳﺎﻣﺎﻥ ﻛﯚﺭﻩﻟﻤﻪﻳﺪﯨﻐﺎﻧﺪﻩﻙ، ﺯﺍﺩﻯ ﺑﯩﺮ ﺋﯩﺸﯩﻢ ﺋﺎﻗﻤﺎﻳﯟﺍﺗﻘﺎﻧﺪﻩﻙ، ﮬﯧﻜﯩﻢ ﻛﯚﯕﻠﯜﻣﮕﻪ ﻳﺎﻗﻤﺎﻳﯟﺍﺗﻘﺎﻧﺪﻩﻙ، ﺷﯘﻧﯩﯔ ﺑﯩﻠﻪﻥ ﺋﯚﺯﻩﻣﻨﻰ ﺩﻩﯕﺴﯩﻴﻪﻟﻤﻪﻳﯟﺍﺗﻘﺎﻧﺪﻩﻙ، ﺋﺎﺧﯩﺮ ﺑﯧﺮﯨﭗ ﺋﯚﺯﻩﻣﻨﻰ ﺋﻪﻳﯩﺒﻠﻪﭖ ﮬﻪﺗﺘﺎ ﺋﯩﻨﻜﺎﺭ ﻗﯩﻠﯩﯟﺍﺗﻘﺎﻧﺪﻩﻙ... ﻛﯜﺭﻣﯩﯔ ﮬﺎﻟﻪﺕ ﺑﯘ ﻣﯘﺭﻩﻛﻜﻪﭖ ﺭﻭﮬﯩﻤﺪﺍ ﺗﯘﻳﯘﻗﺴﯩﺰ ﭼﯘﻗﺎﻥ ﻛﯚﺗﯜﺭﯨﺪﯗ.

ﺋﯩﺰﺍﺷﻪﻣﺴﯘ ﻛﯘﯞﯞﯨﺮﻩﺕ... ﺗﯩﻦ ﺑﺎﺷﻼﭖ ﻳﻪﻧﻪ ﻳﺎﺩﻟﯩﺪﯨﻢ، ﻛﺎﻻﻣﯘﻟﻼﮬ ﻗﻪﻟﺒﯩﻤﮕﻪ ﺯﻩﻡ-ﺯﻩﻡ ﺳﯜﻳﯩﺪﻩﻙ ﺳﯩﯖﻤﻪﻛﺘﻪ . "ﻧﻪﭘﺴﯩﯖﮕﻪ ﺯﯗﻟﯘﻡ ﻗﯩﻠﻤﺎ ﺋﻪﻱ ﺋﺎﺟﯩﺰ ﺑﻪﻧﺪﻩ، ﺋﯚﻟﮕﯩﭽﻪ ﻳﺎﺩﻻ ﺋﺎﻳﻪﺗﻠﻪﺭﻧﻰ، ﻛﯚﺭ ﺑﯘ ﺋﺎﻻﻣﻪﺗﻠﻪﺭﻧﻰ، ﺳﻪﻥ ﻣﯚﺟﯩﺰﯨﺴﻪﻥ، ﺳﻪﻥ ﺋﻪﻗﯩﻞ ﺋﯩﮕﯩﺴﯩﺴﻪﻥ... " ﺷﯘﻧﺪﺍﻕ ﺑﯘﻧﯩﯖﻐﺎ ﺋﺎﯞﺍﺯ ﻗﻮﺷﯘﺵ ﻛﯧﺮﻩﻙ، ﺋﯩﭽﯩﻤﯩﺰﺩﯨﻦ ﭼﯩﻘﻘﺎﻥ ﻧﯩﺪﺍﻏﺎ ﻗﯘﻻﻕ ﺳﯧﻠﯩﺸﯩﻤﯩﺰ ﻛﯧﺮﻩﻙ. ﺯﺍﺗﻪﻥ، ﺑﯩﺰ ﺑﯘ ﻣﯘﻗﻪﺩﺩﻩﺱ ﺟﺎﻳﻐﺎ ﺋﺎﻟﻼﮬﻨﯩﯔ ﭼﺎﻗﯩﺮﯨﻘﯩﻐﺎ ﺑﯩﻨﺎﺋﻪﻥ ﻛﻪﻟﺪﯗﻕ، ﺗﻪﻟﺒﯩﻴﻪ ﺋﯧﻴﺘﯩﭗ ﻗﻮﻳﯘﭘﻼ ﻳﺎﺗﺎﻗﺘﺎ ﺧﻮﺭﻩﻙ ﺗﺎﺭﺗﯩﭗ ﻳﯧﺘﯩﺶ ﻧﻮﻣﯘﺱ. ﮬﻪﺭﯨﻜﻪﺗﺘﻪ ﺑﻪﺭﯨﻜﻪﺕ، ﺑﻪﺭﯨﻜﻪﺗﺘﻪ ﻣﯘﯞﻩﭘﭙﻪﻗﯩﻴﻪﺕ ﯞﻩ ﺭﺍﮬﻪﺕ، ﻣﯘﯞﻩﭘﭙﻪﻗﯩﻴﻪﺗﺘﻪ ﺋﯚﺯﻟﯜﻙ ﺋﯩﺰﺯﻩﺕ ﯞﻩ ﺷﻪﺭﻩﭖ، ﺷﺎﻥ-ﺷﻪﺭﻩﭘﺘﻪ، ﺋﯩﻨﺸﺎﺋﺎﻟﻼ ﺳﺎﺋﺎﺩﻩﺕ! ﺋﯚﻟﯜﻡ ﻛﯧﻠﯩﺪﯗ ﯞﻩ ﻛﻪﻟﻤﻪﻛﺘﻪ، ﺭﻭﮬﻼﺭ ﻛﯚﭼﯩﺪﯗ ﮬﻪﻡ ﻛﯚﭼﻤﻪﻛﺘﻪ. ﺋﯘ ﺩﯗﻧﻴﺎ ﺑﯩﺰﻧﻰ ﯞﻩﮬﯩﻤﯩﮕﻪ ﺳﺎﻟﯩﺪﯗ ﮬﻪﻡ ﻗﯩﺰﯨﻘﺘﯘﺭﯨﺪﯗ. ﺋﯩﻤﺎﻥ، ﻣﯘﻗﻪﺩﺩﻩﺱ ﺋﯩﻤﺎﻥ، ﺳﻪﻥ ﺑﯩﻠﻪﻥ ﺗﺎﭘﯩﻤﯩﺰ ﺷﻪﺭﻩﺏ-ﺷﺎﻥ...

ﺋﯘﺧﻼﺵ ﻛﯩﻴﯩﻤﯩﻤﻨﯩﯔ ﻣﻪﻳﺪﻩ ﻳﺎﻧﭽﯘﻗﯩﺪﯨﻦ ﺳﯧﺮﯨﻠﯩﭗ ﭼﯜﺷﻜﻪﻥ ﺋﺎﭼﻘﯘﭺ ﻧﺎﻣﺎﺯﺩﯨﻜﻰ ﻛﻪﻳﭙﯩﻴﺎﺗﻘﺎ ﺗﻪﺳﯩﺮ ﻳﻪﺗﻜﯜﺯﺩﻯ، ﺳﻤﯟﯗﻟﻠﯘﻕ ﭘﺎﻗﯩﺮﺍﭖ ﺗﯘﺭﻏﺎﻥ ﺑﯘ ﻧﻪﺭﺳﻪ ﺷﯘ ﮬﺎﻣﺎﻥ ﺩﯨﻘﻘﯩﺘﯩﻤﻨﻰ ﺑﯚﻟﯜﭖ، ﺗﻪﺳﻪﯞﯞﯗﺭﯗﻣﻨﻰ ﻗﻮﺯﻏﺎﺗﺘﻰ: ﻧﺎﻣﺎﺯﻧﯩﯔ ﺋﺎﭼﻘﯘﭼﻰ ﺗﺎﮬﺎﺭﻩﺕ، ﺟﻪﻧﻨﻪﺗﻨﯩﯔ ﺋﺎﭼﻘﯘﭼﻰ ﺗﻪﻗﯟﺍﻟﯩﻖ.

 

مەنبە: ئەرتۈرك ئەسەرلىرى

---

🔍 ئاچقۇچلۇق سۆزلەر

☪️ ئۇيغۇر 👤 ئەرتۈرك 🎓 ئەنۋەر ھاجى مۇھەممەد